«معييش رخصة قيادة وفضلت واقف مكاني».. مفاجآت جديدة في اعترافات سائق ميكروباص معدية أبوغالب (خاص)

تنشر «المصري اليوم» نص اعترافات المتهم الأول بقضية حادث غرق ميكروباص معدية أبوغالب، والذي أسفر عن مصرع 16 فتاة وسيدة، وإصابة 4 أخريات، إثر سقوط سيارة الأجرة في مياه نهر النيل بدائرة مركز شرطة منشأة القناطر في الجيزة، أمام النيابة العامة، إذ قرر بأنه لا يحمل رخصة قيادة، وحال نزول سيارته إلى المياه وقف مكانه وانتظر قدوم الشرطة.
كانت محكمة جنح مركز إمبابة وكرداسة حجزت نظر القضية التي تضم 5 متهمين، بينهم رئيس مركز ومدينة منشأة القناطر، إلى جلسة 4 نوفمبر للنطق بالحكم.
نص اعترافات سائق ميكروباص معدية أبوغالب
سجل وكيل النيابة العامة، في صدر التحقيقات، أنه: مثل أمامنا المتهم- سائق الميكروباص- وبمناظرة الظاهر من عموم جسده، لم نتبين به ثمة إصابات ظاهرة وبسؤاله عما إذا كانت لديه إصابات غير ظاهرة أجاب نافيًا، وبسؤاله شفاهة عن التهمة المنسوبة إليه عقب أن أحطناه علمًا بها وبعقوبتها، وبأن النيابة العامة هى التي تباشر معه إجراءات التحقيق فأنكرها، وبسؤاله عما إذا كان لديه شهود نفي أو مدافع يحضر معه إجراءات التحقيق فأجاب عن الشق «الأول» نافيًا، وعن الشق «الثاني» بحضور محامِ فدعوناه لحضور التحقيق.
بمناسبة تواجد المتهم أمامنا برفقة مدافعه شرعنا في استجوابه فأجاب:
اسمي/ محمد خالد. السن/ 22 سنة
المهنة/ سائق محل الإقامة/ قرية سنتريس مركز أشمون محافظة المنوفية
س: ما قولك فيما هو منسوب من أنك متهم بالتسبب خطأ في وفاة وإصابة المجني عليهن، وكان ذلك ناشئًا عن إهمالك وعدم احترازك وعدم مراعاتك للقوانين واللوائح على النحو المبين بالتحقيقات؟
ج: محصلش.
س: ما الذي حدث إذًا، وما هى ظروف ضبطك وعرضك علينا؟
ج: اللي حصل إن أنا كنت سايق عربيتي الميكروباص، ومحمل عليها عدد 26 بنتا من العمالة واخدهم من المنوفية ورايح بيهم يشتغلوا في محطة تعبئة وتصدير فواكه بمطلع الثروة الخضراء قرية أبوغالب، وأنا معدي بالعربية من على معدية محطة أبوغالب والبنات راكبين كان في شباب في المعدية بيعاكسوهم من شباك العربية، وهما معديين من جنبنا، فأنا نزلتلهم من العربية علشان أرد عليهم وأعاتبهم وعربيتي كانت آخر عربية في الصف، وأقرب عربية للمياه، قاموا مسكوا هدومي وحصلت بينا مشادة، والمعدية إتهزت قامت العربية إتحركت من مكانها، وريحت واحدة واحدة لحد ما وقعت في البحر، وأنا حاولت أجري وراها ألحقها بس معرفتش لحد ما وقعت بحالها والبنات غرقوا، وأنا بعد الحادثة فضلت واقف مكاني وأشوف مين اللي طلع ومين اللي مطلعش ومرضتش أتحرك من مكاني لحد ما الحكومة نزلت المكان، وسألوني: هو أنت سواق الميكروباص؟.. قلتلهم أيوه وخدوا من البطاقة وقالولي استنى معانا شوية، وفضلت واقف معاهم هناك، وبعدها خدوني المركز وقعدت هناك شوية وبعدين عملونا محضر وجابونا النيابة، وده كل اللي حصل.
س: ما هى طبيعة عملك؟
ج: أنا سواق ميكروباصات.
س: منذ متى وأنت تباشر ذلك العمل؟
ج: أنا بسوق ميكروباصات من حوالي 3 سنين.
س: ما هى درجة إتقانك للقيادة؟
ج: أنا بسواق كويس، ومتعلم السواقة وبسوق بقالي 5 سنين وسوقت عربيات نقل جامبو ونصف نقل دبابة وملاكي، وجرارات لودر وميكروباصات.
س: وما مدى حملك رخصة قيادة؟
ج: أنا معييش رخصة قيادة، وبسوق من غيرها.
س: ما سبب عدم استصدارك لترخيص قيادة؟
ج: علشان حالتي المادية مش بتسمح إني أطلع رخصة، بسبب تكاليفها.
اقرأ أيضًا
«اقتصوا منهم ليكونوا عِبرة».. آية قرآنية ونداء للقاضي في كواليس ثاني جلسات «معدية أبوغالب»
«الواقعة حدثت دون عمد».. نص التحريات في قضية غرق ميكروباص معدية أبوغالب (انفراد)
رئيس مركز منشأة القناطر عن غرق المعدية: «العبارة مملوكة لجهة عملي وأنا مش مسؤول عن الضحايا» (انفراد)
س: وما كيفية نهوضك بمهام عملك كسائق؟
ج: أنا بدأت السواقة على العربية النص نقل بتاعت أبويا، علشان أبويا شغال مقاول، كنت بحمله أنفار لموقع العمل بتاعه، وانتقلت من عربية للتانية لحد ما أخويا الكبير اشترى عربية ميكروباص، وأنا بدأت أشتغل عليه من سنتريس للقاهرة رايح جاي، وبعدها رحت اشتغلت في القرية الذكية بكرداسة باخد زباين من هناك، غير كده بشتغل في موسم العنب اللي بيوافق شهري مايو ويونيو من كل سنة بأني بطلع بالميكروباص بتاعي آخد البنات اللي بتشتغل في مزارع العنب من سنتريس- المنوفية أوصلهم لحد قرية أبوغالب منشأة القناطر.
س: ما نوع السيارة التي تعمل عليها؟
ج: عربية ميكروباص صيني ماركة كينج لونج، ولونه أبيض.
س: وما تاريخ صنعها؟
ج: 2016.
س: وكيف يعمل ناقل الحركة بها؟
ج: هي عربية مانيوال.
س: وما هى أرقام اللوحات المعدنية التي تحملها سيارتك؟
ج: م وه/ 7513 رحلات مرور منوف.
س: ملك من تلك السيارة؟
ج: الميكروباص ملك أخويا الكبير أحمد، بس هو اشتراه ولسه منقلهوش باسمه.
س: هل لديك ما يفيد ذلك؟
ج: أيوه.
س: وما هى حالة تلك السيارة من حيث سلامة آلات القيادة ونظام المكابح بها؟
ج: الميكروباص حالته جيدة، لأن أنا بسافر كتير على الطريق وأي حاجة بتحصل فيها بصلحها على طول.
س: أمن ثمة عطب بسيارتك ألم بها قبل يوم الحادث؟
ج: لا، هي كانت سليمة مفهاش أي حاجة.
س: وهل تستوثق من سلامة السيارة من حيث سلامة آلات القيادة ونظام المكابح بها بشكل دوري؟
ج: أنا بودي العربية لميكانيكي يبص عليها كل 4 أيام بغير الزيت وبنفض العجل وأغسلها وأشوفها، لو فيها حاجة بعملها وأصلحها.