«اللي بيحصل تهريج».. الحضري «يلطم» على الهواء بسب المنتخب الأولمبي (فيديو)

انتقد عصام الحضري، مدرب حراس مرمى المنتخب الأولمبي السابق، الأداء الذي ظهر عليه لاعبي المنتخب الأولمبي خلال مباراة أوزبكستان، في أوليمبياد باريس.
وحقق منتخب مصر الفوز على أوزبكستان بهدف دون رد، في المباراة التي أقيمت بينهما أمس السبت، في الجولة الثانية من دورة الألعاب الأوليمبية باريس 2024
وقال عصام الحضري، في تصريحات ببرنامج «الكأس»: «مش ده أداء المنتخب الأولمبي المصري، المنتخب الأولمبي مفروض يمد المنتخب الأول باللاعبين بالمستوى ده مفيش غير 3 لاعبين اللي هينضموا للمنتخب الأول، لو معانا الأرجنتين والمغرب وأوكرانيا في المجموعة كنا عملنا إيه؟ اللي أنا بشوفه تهريج، فين شكل المنتخب؟ فين فكر الجهاز الفني؟ ده أداء منتخب مصر أومال لو بتلاعب منتخب قوي هتعمل إيه؟ أنا بتفرج على المنتخب وأنا حزين».
وأضاف: «اللعيبة مش حاسة بقيمة تشيرت منتخب مصر، مفيش عرق ومفيش غيره على اسم المنتخب، ربنا بيقول (اسعى يا عبدوأنا اسعى معاك)، اتعب وأعرق وأموت نفسي لبلدي.. مينفعش منتخب مصر يظهر بالشكل ده، أنا كإني بلعب ماتش ودي، إيه تاريخ أوزبكستان عشان نلعب قدامها كده، هنعمل إيه أمام إسبانيا».
وتابع: «احنا عندنا محلل الأداء بيصور بالتليفون، انتوا بتهزروا! الطم، محلل أداء بياخد مبلغ كبير وبيصور بالتليفون، أنا مشيت من المنتخب الأولمبي بسبب المشاكل»، مضيفًا: «أنا مش عايز أي مصلحة من حد، أنا عايز بلدي تبقى رقم 1 في أفريقيا».
وأشار: «الكرة المصرية تمر بأزمة.. الأندية أقوى من منتخب مصر، الكل بيفكر في الأدنية محدش بيفكر في مصر، لما بنفكر في مصر بناخد بطولات».، مضيفًا: «أي ماتش لأي نادي الاستاد بيكون مليان، اأنا في ماتش المنتخب الاستاد بيكون فاضي إلا في بعض المباريات الاستثنائية».
وأتم: «بنمر بأزمة ومشكلة في الكرة المصرية بقالنا 3 سنين، الناس اللي في اتحاد الكرة موجودة ليه؟ بنبدأ نتحرك بعد ما تحصل مصيبة».