أمل رزق عن زواجها من المنتج إسماعيل كتكت: كان فرق السن كبير لكن حبيته بسبب خفة دمه

كشفت الفنانة أمل رزق عن أسرار في حياتها الشخصية وقصة زواجها من المنتج الراحل إسماعيل كتكت، كما كشفت عن فقدانها للبصر لمدة 6 أشهر.
وقالت أمل رزق، خلال استضافتها في برنامج «كلام الناس» التي تُقدمه الإعلامية ياسمين عز ويُعرض عبر قناة «إم بي سي مصر»، أنها كانت تريد أن تمثل على الرغم من أن جميع أفراد عائلتها خريجي كليات الطب، وتابعت: «قولتلهم أنا همثل وهدخل كلية آداب، وجالي في الوقت ده عريس من أمريكا وكان هياخدني ونسافر، وكان في الوقت الحالي إسماعيل صديق العائلة».
وأضافت «فاجأة إسماعيل قال لبابا أنا هتجوز أمل بعد ما بابا قاله على عريس أمريكا، وأنا وافقت بدون نقاش على الرغم أن فرق السن بينا كان كبير، بس أنا كنت بحبه ودمه كان خفيف وبيحب الحياة»، موضحة «اتجوزت وأنا عندي 19 سنة، لكن لا أنصح أي بنت في الجيل الحالي تعمل كده لإني شيلت المسئولية بدري جدًا وكمان فضلت أخلف بس أنا كنت فرحانة، لكن الجيل الحالي صعب يشيل المسئولية بدري».
وكشفت أمل رزق أنها تزوجت بعد وفاة زوجها إسماعيل مرة أخرى، موضحة «ربنا رزقني بشخص كويس جدًا ميختلفش عن إسماعيل، وكنت لوحدي أنا وبناتي وكان لازم يبقى معانا راجل».
وتابعت: كان بناتي رافضين زواجي في البداية بس أقنعتهم بالعافية وكنت مخبية عنهم في الأول بس بعد كده حبوه جدًا هو وعائلته.
وكشفت أمل أن هناك بعض الأشخاص كانوا يتوددون لها هي وزوجها إسماعيل كتكت، طمعًا في أن يرشحهم لعمل فني، قائلة «كلهم كانوا كده وكلهم كنت بشوفهم كل يوم ومن كتر المجاملات كنت تعبت وكانت حياة الناس واقفة على وجودنا في كل المناسبات وبعد كده اتباخروا وبعدوا.. أنا مش فارقلي بس بستغرب جدًا من رد فعلهم.. ربنا مديني كرم لما حد بيبعد عني حد بنسى اسمه وبنسى شكله».