ضحكت عليه.. أمل رزق تكشف مفاجآت عن زواجها من المنتج إسماعيل كتكت

حلت الفنانة أمل رزق٫ ضيفة على الإعلامية ياسمين عز ببرنامج "كلام الناس" والمذاع عبر قناة "إم بي سي مصر".
فنانة شهيرة تفقد بصرها 6 أشهر وتعلن مفاجأة لجمهورها | فيديو
أمل رزق: دعيت لو في شر من جواز بنتي لمحمد الشرنوبي ومتمتش
وقالت الفنانة زمل رزق٫ إنها كانت تريد أن تمثل على الرغم من أن جميع أفراد عائلتها خريجي كليات الطب.

وأضافت أمل رزق: "قولتلهم أنا همثل وهدخل كلية أداب، وجالي في الوقت ده عريس من أمريكا وكان هياخدني ونسافر، وكان في الوقت الحالي إسماعيل كتكت صديق العائلة".

وتحدثت الفنانة أمل زرق عن زواجها من المنتج إسماعيل كتكت٫ قائله: "فجأة إسماعيل قال لبابا أنا هتجوز أمل بعد ما بابا قاله على عريس أمريكا".

وأشارت: "أنا وافقت بدون نقاش على الرغم من أن فرق السن بينا كان كبير، بس أنا كنت بحبه ودمه كان خفيف وبيحب الحياة"٫ لافته إلى أن زوجها المنتج إسماعيل كتكت كان يرفض أن يشاركها في عمل فني ويرفض الإنتاج لها.

وتابعت أن بعض زملائها كانوا يحسدوها على زواجه من المنتج٫ مضيفه: "كنت بسمعهم بيقولوا دي بنت صغيرة وضحكت على المنتج إسماعيل كتكت واتجوزته و زمانه جايبلها معالق ألماظ٫ مؤكده: "كلام عجيب جدا ملهوش إي مجال من الصحة، وأنا غلطانه لو رجع الزمن بيا تاني كنت اشتغلت معاه وكنت هخليه يعملي بطولة واطلب منه ده.".

وأضافت أمل رزق: "أنا كنت صغيرة مكنتش حابه يعملي بطولات كنت بقول أنا مش ناقصه أيد ولا رجل أنا هعمل نفسي بنفسي"٫ لافته: "اسماعيل مكنش عايز ينتج ليا بسبب حبه الزيادة وكان بيقولي أحنا بنبتدي واحده واحده.. أنا بالنسبالي هو كان كفاية وعندي بالدنيا كلها".