هي بلد شهادات ولا بلد جيش

جتنا ستين نيله في حظنا الهباب ..................‏
ناس درست وذاكرت وجابت مجاميع كبيرة في الثانوية العامة واللي جاب 90% برضك دخل تجارة وعادوا الثانوية العامة علشان يجيبوا مجاميع أكبر برضك جابوا 95% وبرضك دخلوا التجارة وناس تانية جابت فوق ال 100% ودخلوا الهندسة والطب ‏............‏
لكن في ناس تانية خدتها من قصيرها وقدمت في الكلية الحربية بأي مجاميع وممكن يتخرجوا قوام قوام حسب التساهيل ده حتى في دفعات إتخرجت بعد 6 شهور وكانوا زمان في كلية الطيران ياخدوا قصار القامة والناجحين في الثقافة (سنه تانية ثانوي حاليا) وهب وتمر السنين وطلبة الكلية الحربية يبقوا صاغات وبكباشية وفين يوجعك يا مصر وقعدوا على الكراسي بعد ما كانوا بيحرسوا الحدود نقول كام سنه نقول 60 سنه بما في ذلك الطيار القصير القامة اللى لزق على كرسي الحكم 30 سنه بس ...ولما الشعب ثار وغضب جم برضك بتوع الحربية والطيران والبحرية وقالوا عن أنفسهم أنهم المجلس الأعلي للقوات المسلحة ونصبوا نفسهم حكام على مصر وأوصياء على ثورتها الشعبية حتى بدون أن يقسموا القسم وقالوا إنهم بيفهموا في كل حاجة وحتى الدساتير بندسترها وكمان القوانين بنقننها وبنسنها ...وقعدوا خريجيين الكليات الجامعية من مهندسين واطباء وحقوقيين وتجاريين وإقتصادييين وزراعيين وغيرهم يندبوا حظهم المهبب والمتنيل بستين نيلة متحسرين على عمرهم إللي ضاع في المذاكرة وتمنوا أن يرجعوا عقارب الزمن للوراء علشان يجيبوا مجاميع أي كلام تدخلهم الكليات العسكرية علشان هما كمان يدستروا الدساتير ويقننوا القوانين.....وميحكمشي !‏