بالفيديو.. هالة فاخر: المدرس في مصر «عيل فاشل»

قالت الفنانة هالة فاخر إن المدرس في مصر «عيل فاشل» ويفتقر للموهبة.
وأوضحت، في برنامجها «هات من الأخر» على قناة «صدى البلد»، مساء الاثنين: «إحنا بنرجع للتجربة المصرية، احفظ احفظ احفظ، صم صم صم، أطرش الإجابة على ورقة الامتحان، روح البيت اقلع مخك وحطه مطرحه على الجزامة، واستنى النتيجة والنتيجة دي والمجموع هم اللي بيحددوا مستقبلك وهم اللي بيقولوا إذا كنت مبدع وهتنفع في المهنة دي ولا تحول لحاجة تانية أسهل».
واستطردت: «وبهذه النتيجة يا سادة بيتحددلنا المدرسين المستقبلين اللي هيدرسوا لعيالنا، لا هو موهوب في توصيل المعلومة، ولا عنده حب للأطفال، ده عيل فاشل مجبش مجموع يدخله طب ولا هندسة ولا حتى سياحة وفنادق، فقالوله في التنسيق خش حاجة أسهل بتاخد مجموع قليل، خش كلية تربية واطلع مدرس».
اشترك الآن لتصلك أهم الأخبار لحظة بلحظة