تسجيل خطير.. ممدوح حمزة لأحد نشطاء يناير: سمير فرج هيبقى الراجل بتاعنا جوه وأقرب واحد من طنطاوي

استكمالًا للتسجيل الأول الذي نشرناه وتضمن اتفاقًا بين المهندس ممدوح حمزة وسمير فرج محافظ الأقصر الأسبق بأن يطرح الأول اسم فرج وزيرًا للثقافة أو الإعلام، يأتي هذا التسجيل ليستكمل الاتفاق حيث يحوي مكالمة بين حمزة وأحد نشطاء يناير وكان هذا نص الحوار:
ممدوح حمزة: أيوه يا خالد
الناشط: دكتور
ممدوح حمزة: أيوه ياحبيبي
الناشط: ازيك مساء الفل
ممدوح حمزة: ازاي الحال.. عملتوا حاجة في الموضوع اللي قولتلكم عليه بتاع سمير فرج
الناشط: بتاع ايه
ممدوح حمزة: بتاع سمير فرج اللى قولتك عليه
الناشط: اااه بس هنطرحه بكرة في الاجتماع
ممدوح حمزة: طيب اطرحه لأن داه يبقى انفراجة شديدة جدا ليكو .. ولو طلعتوا بيان هيبقى الراجل بتاعوا ودا صلة مع طنطاوي مباشرة أنا شايف أنه راجل كويس على مسؤليتي هيدونا ساعة كل يوم صوت الثورة
الناشط :طيب لو قررنا بكرا نعمل بنرات ضد وزراء في الحكومة ..نلحق نعمل دا ولا منلحقشي؟
ممدوح حمزة: اااه ممكن عايز تعمل ضد مين؟
الناشط: يعني في كتير من أول سامح فهمي ..عائشة عبد الهادي أحمد ابو الغيط
ممدوح حمزة: لا بلاش ناخد حد معين الحكومة كلها
الناشط: مهي الحكومة كلها مفيش مشكلة
ممدوح حمزة: اااه محنا عاملين حاجات ضد الحكومة كلها .. بلاش نحدد بالاسم
الناشط: طيب أوك ماشي ماشي
ممدوح حمزة: أنا بنتكلم بالنسبة لسمير فرج علشان داه يبقى الراجل بتاعنا جوه واقرب واحد من طنطاوي وفي نفس الوقت اتفقت معاه علي ديل حلو جداااا.. يعني هيبقلكوا ساعة في كل القنوات المصرية بتتحد وبتاخدوا صوت الثورة وانتوا اللي هتمسكوا الميكروفون ..مفيش مذيعيين انتوا اللي هتقدموا
الناشط: ماشي يادكتور ماشي يادكتور
ممدوح حمزة: طيب أوك باي باي.