استكمالًا للتسجيل الأول الذي نشرناه وتضمن اتفاقًا بين المهندس ممدوح حمزة وسمير فرج محافظ الأقصر الأسبق بأن يطرح الأول اسم فرج كوزير للثقافة أو الإعلام، يأتي هذا التسجيل ليستكمل الاتفاق حيث يحوي مكالمة بين حمزة وأحد نشطاء يناير وكان هذا نص الحوار: ممدوح حمزة: أنا قريت في الأخبار إنهم مرشحين وزارة جديدة اللي احنا بنطالب بيها مش وزارة الأخ شفيق، مرشحين احتمال وزارة الإعلام بتاع الأقصر ده اللي اسمه سمير فرج، أنا أعرف سمير فرج من أيام موضوع "المريس"، وموقفه السري اللي بيني وبينه كان مشرف جدًا، فكلمته وقولتله لو أنت جيت هتدي أيه للثوار؟ هتدي إيه للائتلاف؟ فقالي هعملهم برنامج اسمه صوت الثورة كل يوم ساعة تتفق فيه كل القنوات الحكومية وأنتوا اللي تقدموا البرنامج بنفسكوا. الناشط: طيب أوك تمام يا دكتور حمزة: أنا يعني عملت معاه ديل لصالحنا، هو رجل طنطاوي الأول، لو احنا عملنا مع الراجل ده ديل على أساس إنه ناصري وابنه متجوز بنت خالد عبد الناصر، فشايف لو عملتوا معاه ديل هيبقى لكم أكسيس، أنتوا أكبر أكسيس لطنطاوي شخصيًا ومباشرة طوال ال 6 شهور الجايين. الناشط: أوك يا دكتور حمزة: عاوزك تسوق الفكرة دي على ضمانتي، بس لازم يطلع بيها نوع من البيان إن أحنا عاوزين حكومة جديدة، ومعندناش مانع فيها بعض الشخصيات القديمة مثل سمير فرج للإعلام، لو دي طلعت أؤكد لك هنكسب مكسب رهيب جدًا وهيبقى كل الإعلام في جبنا ال 6 شهور الجايين. الناشط : أوك يا دكتور ماشي.