بالفيديو.. ممدوح حمزة لأحد نشطاء يناير: سمير فرج رجل طنطاوي والإعلام هيبقى في جيبنا لو أصبح وزير إعلام

استكمالًا للتسجيل الأول الذي نشرناه وتضمن اتفاقًا بين المهندس ممدوح حمزة وسمير فرج محافظ الأقصر الأسبق بأن يطرح الأول اسم فرج وزيرًا للثقافة أو الإعلام، يأتي هذا التسجيل ليستكمل الاتفاق حيث يحوي مكالمة بين حمزة واحد نشطاء يناير وكان هذا نص الحوار:
ممدوح حمزة: أنا قريت في الأخبار إنهم مرشحين وزارة جديدة اللي إحنا بنطالب بيها مش وزارة الأخ شفيق، مرشحين احتمال وزارة الإعلام بتاع الأقصر ده اللي اسمه سمير فرج، أنا أعرف سمير فرج من أيام موضوع " المريس "، وموقفه السري اللي بيني وبينه كان مشرف جدًا، فكلمته وقولتله لو أنت جيت هتدي إيه للثوار ؟، هتدي إيه للائتلاف ؟، فقالي هعملهم برنامج اسمه صوت الثورة كل يوم ساعة تتفق فيه كل القنوات الحكومية وأنتوا اللي تقدموا البرنامج بنفسكوا
الناشط: طيب أوك تمام يا دكتور
حمزة: أنا يعني عملت معاه ديل لصالحنا، هو رجل طنطاوي الأول، لو إحنا عملنا مع الراجل ده ديل على أساس إنه ناصري وإبنه متجوز بنت خالد عبد الناصر، فشايف لو عملتوا معاه ديل هيبقى لكم اكسيس، أنتوا أكبر اكسيس لطنطاوي شخصيًا ومباشرة طوال ال 6 شهور الجايين
الناشط: اوك يا دكتور
حمزة: عاوزك تسوق الفكرة دي على ضمانتي، بس لازم يطلع بيها نوع من البيان إن أحنا عاوزين حكومة جديدة، ومعندناش مانع فيها بعض الشخصيات القديمة مثل مثلًا سمير فرج للإعلام، لو دي طلعت أؤكد لك هنكسب مكسب رهيب جدًا وهيبقى كل الإعلام في جبنا ال 6 شهور الجايين
الناشط: أوك يا دكتور ماشي.