موديل بكرش.. موضة صيف 2015

دى مشكلة جت لصفحة مشاكل على ال«فيس بوك» حرفيا كده: أنا بحب البنات اللى عندها كرش جدا، والله من الحاجات اللى عاملة أزمة في حياتى يعنى ممكن البنت تبقى قمر جدا وأرفض أبصلها أو اتقدملها بسبب إن مافيش فيها كرش وانا رفيع جدا بس بحس فيهن جمال مش طبيعى كده وصحابى بيقولولى انت لازم تروح تكشف عند دكتور نفسانى.. هو فعلا أنا كده لوحدى يعنى أنا زى صحابى ما بيقولوا إنسان مش طبيعى؟
الحقيقة موجودة وواقع إحنا بنعيشه عن قرب بعدما لاحظنا أن نسبة (الكروش) عند البنات بدأت تزداد تدريجيًا، ومع مرورالوقت بقى صعب إنك تقابل بنت من غير كرش، الاتنين بقوا زى التوأم المتلاصق لا المتلاصق جدا، والظاهرة دى انتشرت جدا في الآونه الأخيرة وبقت زى الماركة المسجلة عند معظم البنات وده ليه أسبابه الكتير زى القعدة في البيت معظم الوقت، والمحاشى والمسبكات وبتاع، العجيب جدا أن النوع ده من البنات مبسوطين جدا بموضوع الكرش ومتصالحين ومتأقلمين مع نفسهم بالشكل ده، لأ وإيه بدءوا يأسسوا العالم بتاعهم أزياء خاصة بيهم صفحات على السوشيال ميديا والأغرب كانت مسابقة ملكة جمال «البكبوزات» اللى انتشرت مؤخرا.
مصممة الأزياء مها قنديل بتقول: إن الكرش موضة كل السنين مش السنة دى بس، وعلشان كده إحنا كمصريين متقدمين في موضة الكرش بما إننا بلد الحضارات، ولكن كانت السنين دى كلها موضوع الكرش كان بين الناس العادية، وكان اللبس بيتلبس واسع عليه عشان يداريه بما أن وظيفة اللبس في الأساس هي مدىية وتغطية الديفوهات مش إظهارها، ولكن الجديد السنة دى هو ظهور موضة الكرش في هوليوود وبدأ في ظهورها النجم ليورنادو دى كابريو الذي ظهر مؤخرا بجسم رياضى وكرش صغير جعل كثيرا من النجوم يقلدونه مثل آدم ساندلر وغيره من النجوم، وبما أن النجوم هم بطبيعة الحال قدوة الجماهير فكان من الطبيعى أن يقتدوا بهؤلاء وتظهر موضة الكرش الصغير، وتضيف مها أن هناك عدة مميزات رأتها الفتيات في الرجل صاحب الكرش مثل أنه يجعل المرأة مرتاحة مع جسمها على عكس صاحب الجسم المثالى الذي يسبب لها الإحراج.
كما أنه يجعل المرأة تبدو الأجمل وهو ما ترنو إليه دائمًا خصوصًا عند التقاط الصور إلى جانب الرجل.
كما أنه أيضا يكون من الممتع تناول الطعام معه لأنه لا يرفض أي اقتراح حتى لتناول الهمبورجر.
بالإضافة أنه لن يتغيّر جسمه في أي وقت قريب ولا حتى بعد الزواج، وتضيف رانيا عمار موديل إعلانات أنها ضد فكرة تلك الموضة تماما لأن الموديل بطبيعة الحال لا بد أن يكون لها مواصفات قياسية في الخصر والوزن والطول وهى مقاييس عالمية مش هزار، وموضة الكرش التي بدأت تظهر هي شىء مقزز وعيب أن يتم تدمير معايير الموديل بهذه الطريقة الشنيعة، لأننا بجد هنبقى مسخرة العالم كله لو الصور دى ظهرت في مجلات الفاشون العالمية.. هنتفضح فضيحة وحشة يعنى.
النسخة الورقية