الكلام على مين

مش ناقصة منك فهلوة والشحن فى الناس عالهوا
وبتستضيف واحد ظريف أصفر صفار مالهوش دوا
وبتبتدى بحلو الكلام وتثير قضية رأى عام
والضيف فى غاية الانسجام والله أعلم بالْنَوى
وبتبدأ إنت الأسئلة والنية سودا منيلة
تفهمها حتة عيله ومعاها كل اللى انكوى
دايما تخالف رأينا وبتستخف بعقلنا
هو إنت مصرى زينا! ولا إحنا مش عايشين سوا!
دكتور تخصص فى الفتن بتصيد مريضك فى المحن
وتقُطع أوصال الوطن ياما الوطن زيك أوى
كانت ناس كتير زيك كده فاكره إن هى مأبده
دلوقتى عند السيدة والانبهار راح وانزوى
ياريت تغير لهجتك وتصحى فيك مصريتك
وتحب مصر اللى ادتك حق التحدث عالهوا
يارب تحفظ مصرنا لجل الغلابة المؤمنة
كف الأذى عن شعبنا من عهد بايد وانطوى