زمن العبر والازمات

زمن العبر والأزمات
العيان فيه
بيتمنى الممات
ولا دوا نافع ولا آهات
ولى زمن الخير
وعدى وفات
ساب الشر فى القلوب
القلب إللى كان جواه خير
مع الشر الخير بيدوب
الدنيا بقت غابه
القوى بيدوس على الغلابه
أخد كل حاجه
ومسابلهوش من أى حاجه هبابه
هيجى اليوم إللى غلبان فيه
يدور على البيبان يشحت بالربابه
إللى معاه بيبقى الحق معاه
حتى لو كان جانى
يقولوا عليه مظاوم
الباشا يابنى من أعالى القوم
مش ممكن يبقى جانى
فلوسه كتيره ومغميانى
دا لو رفع سماعة التليفون
يكسب بكلمه واحده مليون
وعايز تقول جانى يا عم فوق
وإللى ممعاهوش الناس عليه بتلوم
هو لو كان معاه
مش كان بقى وحش من الوحوش
يستاهل ضرب الجزم
مين قاله يكون ملتزم
هو إللى سرق حد قاله حرام
إللى نهب الكل يقوله تمام
كل ده علشان بيملك الفلوس
خدها كلها وطلع فوق
الواطى لما طلع عالى
بيبص على الغلبان من فوق
لو الغلبان بص مره عالى
الناس تقوله إنت إتجننت
يا عم فوق
ده زمن التعالى
وإللى زيك مالهوش مكان فوق
العالى بقى زحمه
من كتر النهب والسرقه
وإللى تحت ماشى برجليه على الأرض
بتاخده الأسعار وتطلع بيه فوق
الواحد عايش حياته حتى وهو فى بيته
برضه بيكون مسروق
مفيش يا ناس رحمه حتى اللحمه
إتعلمت تطلع بسرعه فوق
هى الأسعار كده لو إتجننت
تولع وتلهلب كل حاجه فى السوق
إصبر يا غلبان بكره الدنيا تروق