أنا الثائر

من قلب مصر طالع لوحدى
مطلتعتش من سلة رفاعى
ومبمتلكش غير ميدانى
وثورتى زادى ومتاعى
وبتطهضنى ومناهضنى
رافضنى ورافض اتباعى
وأنا الثائر
أنا الأمل اللى فاضلك
من كام سنة عايش ف ضلك
والضلة ذلة مبتشتكيش
ليه اللى ذلّك وبتشتكينى
وأنا الثائر
أنا اللى نازل أموت عشانك
بدمى بانضفلك مكانك
وبنتقملك م اللى هانك
تقوم تهينى وأنا الثائر
مهو يا تساندنى يا اسكت
وسبنى لاحسن أنا منك معبى
عاجبك خضوعك ضعفك
خنوعك مشبعتش من قوله يا سلبى
خليك ظالمنى ومجتنبنى
صدقنى يا ابنى هيجى اليوم وتقول
يا ريتنى كنت أنا الثائر
أنا الضمير اللى كان فى عداد الموتى
ردت فيه روحه وانت لسه
زى ما انت طب هدى
خلقك حبه بعدين تجيلك سكته
يا فل يا ابن الفلول
مقهور هاطق ليه مغلول
إكمنى حلتلك مجالسك
وحبستلك شله أبالسك
أصلك لسه مش مصدق
أنا الثائر
ويا شرطة غاوية تبهدلينى
هو تار بينك وبينى
ولا لازم تنفخينى
حاولى بس تميزينى
ده أنا الثائر
وفرق كبير بينى
وبين البلطجى
أنا اسمى ثائر
أما بسلامته عامل فيها ثورجى
وشوف بطاقته تعرف حكايته
مكتوبله فى خانه وظيفته
إنه حمار العربجى
أما
أنا الثائر
وياللى بتجروا عليه بتشدوا
ليه فيّه هاتقطعوا اديه
كنتوا فين؟ كنتوا فين
لما قلت يا ثائرين؟
قولتوا لا ده انقلاب
والانقلاب ضد شرع المؤمنين
ولما عُدنا آمنين عايزين
تبقوا الغانمين طب وانا
أنا الثائر
وياللى حامتنى فادتنى شرعية
خايف .....تكون حمايتك تمنها حرية
ولو هاتيجى عليه هانده
وأقول يا بهييااااااااااااااا
أنا الثائر
بكره التاريخ يكتب فى سيرتى
ويقول ده اللى كان حامى الحما
هيحكى يقول عنى لأنى
بسلام كتبت الملحمة
صدقنى العشق غصب عنى
باعشقها عشق الملهمة
صحيح سابتنى ورجعت جابتنى وأهيه ألهمتنى
فبقيت أنا.........الثائر