"صاحبى"

مهداة للشهداء
صورتك على برواز وف قلبى
لسه أنا فاكرك قاعد جنبى
واوعاك تزعل بس يا صاحبى
أصل الذنب كمان مش ذنبى
بس هجبلك حقك برضه
واللى بيظلم روحك عرضه
قتلك وأنت بتعبد ربك
قتلك لأجل ينفذ فرضه
*******************
رد عليا يا صاحبى وقول
روحى لربى واسمى مسافر
يقتل فيا يقول أنا كافر
بس أنا برضه لسه بعافر
عايز أمى تخش الجنة
لما تشوفها بلاش أتمنى
بس أمانة تبوسلى إيديها
وابقى كمان طمنى عليها
هى ومصر كمان عزيها
واكتب فيا يدوب سطرين
دمى بيروى الصحراء فى سينا
كنت بدافع لاجل الدين
جالى التعلب بالسكينة
قطع فيا وقالى آمين
******************
فاعرف انى يا صاحبى شهيد
عرف أمى كمان الكلمة
وبلاش جرحى أنا فيها يزيد
يجى النور وتروح الضلمة
و احنا هنبدأ عصر جديد
ياما دموعك غالية عليا
راح تلقينى ف يوم كشهيد
راح تلقينى ف يوم كشهيد