زجل خنازيرى

يارب إمتى بس حترحمنا
وترفع غضبك عنا
وتزيح الهم اللى جالنا
قالوا طيورنا قالوا خنازيرنا
هى سبب البلا إللى جالنا
وفى ثانية سنينا سكاكينا
ودبحنا طيورنا وخنازيرنا
وجوعنا مسيحنا ومسلمنا
دول ناس غلابة وحاسبينها
بتحويشة العمر شارينها
هو فيروس البرد هو بس اللى بينا
عشان نقعد فى البيت ونلغى تعليمنا
هو إحنا يانس ناقصين
جهل وتخلف ومخ تخين
ده قال إطلبوه ولو فى الصين
بس كلنا مش حاسين
دى مؤامرة وضيعة من ناس جامدين
لجل يبيعوا المصل بالملايين
ويروح فيها ناس مساكين
زى ما راحت خنازير وطيور
وقفشوا كل إللى عنده كام عصفور
شوفوا الزبالة إاللى ف الشارع مرمية
ع الرصيف وجنب الباب وتحت العربية
ده إحنا عندنا كل الأمراض إللى هيه