بكرة اللى جاى

خايف من بكره اللى جاى
يضيع معاه حلمنا
حلمنا أكبر م الحياة
ومن كل خطوة تفرق قلبنا
يا بكرة اللى جاى
ارسم ع الحيطان صورة حبيبى
اكتب ع البيبان بدم وريدى
خلينى أعيش راضى بنصيبى
بحلم أكون طير فى السما مغرد
يلمس بأديه القمر
خايف أكون عصفور جريح
جوه حضن الهوى
محبوس فى القلب لكن
بعيد عن حضك أنا
لسه السما شايفها زرقا
مكتوب عليها حلمنا
يا ترى حبنا مخلوق يعيش
ولا نزوه مكتوبة لقلبنا
نفسى أصرخ وأنادى
يا بكرة اللى جاى
خلينى حاضن شوق السنين
عاشق أنا للصوت الحزين
بستنى تعود.. يمكن أعود
أحضن الفجر القريب
خايف يا بكرة اللى جاى
تسرق فرحتى
خايف من الحلم يصبح خيال
وتضيع أمنيتى
رسمتك جوة قلبى كيان
مالى مهجتى
بحلم بحضنك يلملم دمعتى
بكتب كل يوم موال
شايل همومى وحدتى
مين غيرك فى الدنيا دى
يستاهل حنانى وضحكتى
عارفة إيه معنى الحنين
جوة قلب عشقك سنين
لهفة وشوق واشتياق
نبض زايد يملك فؤاد
لما المشاعر تشتكى لحظه فراق
ودموع تحرق قلب مشتاق
مخاصمنى ليه يا زمانى
وليه الدنيا معاندانى
مهما اكتب حروفى
ياخدنى خوفى وأسأل عليكِ
بناديكِ وسامع صدى حروفى
تعالى يا عمرى يا تبض سنينى
مهما أقول لك بحبك
حنانى ما بيكفينى
وحشتينى