لعنة الحب

ملعون الحب ألف مرة
ملعونة الحياة المرة
طول ما الفراق أكيد
مشوار الحياة بعيد
نمشى كل الخطاوى
حالفين نعود
بصوت ملاه الخوف
يشق حلم وليد
يا آه عدى وريدى
مهما الليل يطول
تبتعد نار الظنون
ملعون الحب ألف مرة
ملعونة الحياة المرة
يا نار البعد ما تقيدى
يا حزن طفى وريدى
اكتب بشوقى وهيامى
حبى مش كلمة صغيرة
بكتبها بحروفى
حبى أمل عايش
منقوش على جبينى
يا آه مكتومة جوايا
بصرخ ما بيوصل ندايا
يا آه بصرخ بصوت عالى
خلى الحزن بعيد
داوى جرحى بلمسه إيد
حبيتك حب غيبانى
حبيتك وأنتِ نسيانى
حبيتك وفداكِ عينى
دموعى هى عنوانى
طريق حياتى حضنك
نفسى أكون أمل تانى
تكبر معاه فرحتى
وتبقى عنوانى
بعدك مش نار بتحرقنى
بعدك نار حضنانى
نار محوطانى
مكتوب عليه أحبك
ويجرحنى إهمالك
مكتوب عليه قربك
وأشاركك فى أحزانك
لو يوم تغيبى
بتخاصمنى روحى
أعيش وحيد
كأنى وليد
محتاج حنانك
وحضن دافى
يبعدنى بعيد
ملعون الحب ألف مرة
ملعونة الحياة المرة
حالف يمين الله
أكون منك
وريدك
وعهد الله
أكون ليكِ
حبنا مش كلام
ولا حروف بنكتبها
حبنا حياة لابد نعشها