جرحى مِنك ..... بقلم سيد منير

جرحى مِنك كان دوا
والفراق نار بتحرق
قلبى فيكِ إنكوى
والزمن شاهد عيان
على جرح قلبى
وألام سنينى وغربتى
لسه مشوار الحياه
مكتوب علينا
نمشى خطاه
ونسمع صوت جوانا
يصرخ أه
القلب ملاه الجروح
والروح عاشقه الخطاوى
لحضن الليل البعيد
والألم عذاب
والفراق نار
والنسيان محال
ودنيا عنيده
أدتنى ظهرها
والسعاده طعمها فى
حلقى
مرار
جرحى مِنك كان دوا
يوم ما سكنتى مهجتى
يوم ما ماليتى دنيتى
يوم ما إخترتى طريقى
وبأيدك مسحتى دمعتى
لسه فاكر دمعتى
نار بتحرق وحدتى
لسه فاكر الصباح
ونوره بيملا غربتى
السهر كان أنيسى
فى وحدتى
والسهاد ساكن دنيتى
والليل ظلامه قاسى
والفجر لسه بعيد
وصوت الأنين بيصرخ
مالى زنزانه غربتى
يا فجر بسألك ؟
ولا سنين الغربه خاصمتك
ولا زمانى لسه عنيد
وليل غربتى خاصم
شروقك
جرحى مِنك كان دوا
وعمر الزمن ما يداوى
لسه صابر على المر
وعمرى زى طفل
بريىء
فرحان بحضن الأم
ولمسه حنان بتضم
قسوه زمان
وليل أسود
وحنان ما يعرف غل
جرحى مِنك كان دوا