بقلم شاذلي دنقل ارف جدا جدا اننا لو بطلنا نحلم نموت لاننا لانملك سوي الحلم لبكره .وكمان جايز حلم في غمضة عين عايز يتحقق في سنين بس حلمنا لسه في ايدينا ولا يمكن يموت فينا عشان لو مات فينا احنا كمان ممكن نموت بيه .بس عارف كمان اننا ههانعلي صوتنا بالغنا لان لسا الاغاني ممكنه وفي كتير جدا في عمرنا . بعدين الكلمه ايد والكلمه رجل والكلمه باب ومش ممكن هانسكت ولا نكون خرسي لانه لم يعد هناك مكان للخرسي . بعدين هانحضن ولادنا ولا نخلي بحنيه وزوق وهانكبر معاهم وبهم ونغني لقدام ولفوق ونقول للعيون اللي بتقرا في كتاب الشوق ياااااااه الدنيا خضره ومش فاضل علي بكره زمان هانحلم ونحلم ونحلم عشان احنا بني ادمين .وعلي فكره النيل لسه بيجري ويعافر ولسه عيونه بتسافر ولسه قلبه لم يدبل من الاحزان يعني الخير موجود فينا اصل بلدنا بلاد طيبه وقريبه وحبيبه وكمان الامل والحنان فيها واحنا بنقولها حقك علي راسنا لاننا جنينا عليك كتير بجد .وبعدين منرضاش انه تخاصم القمرالسما ومنرضاش تدوس البشر بعضها ومنرضاش تهاجر الجذور ارضها .وبجد الحكمه قتلتنا خلتنا نغوص في قلب الكون وبنخاف زي ما انت بتخاف علي مصر قبل الطوفان ما ياتي مش عارفين مين العاقل فينا ومين المجنون مين الظالم فينا مين المظلوم مين اللي مدبوح من الالم ومين اللي مايعرفش غير كلمة نعم ومين اللي بيبيع الضمير وبيشتري بيه الدمار كلها اسئله جوانا يمكن نلاقيلها اجابه صادقه ..وعلي فكره قابلنا بشر كتير قبلونا وبشر ما قبلوناش لا همنا اسمهم ولا لونهم ولا عنوانهم مكانهم ولا ميلادهم همنا الانسان الانسان وبس الانسان من أجل الانسان النقي المبدع الجميل و اجمل حدوته مصريه بجد عايزين نكتبها ونحكيها مع بعضنا ونعيشها ..انهارده وبكره وكل وقت .بس انت عارف ان بحر الحياه غداركتير بس برضه سبحان الله الطير بيهاجر وبيرجع والشمس بترحل وبترجع والدنيا بتاخد منا وبتدي والليل لو طول هايعدي وياما عدت حجات كتير في حياتنا ووقفنا تاني علي رجلنا .بس احنا هنحاول نتغير وانا متاكد اننا هانقدر ومش هنستسلم للحزن لاننا عايشين وهاننسي الاحزان وهانشوف الورد والوانه وانا متاكد اننا هانفتح للدنيا قلوبنا وهتدق الاحلام علي ابوابنا .وهانحبها من قلبنا وهانضحك للدنيا عشان قلوبنا لسه مليانه امل .بس عارف يا اسمراني االلون اد ايه الحب جميل لانه من اول لمسه بيغير لي سنيني وعشانه امشيله بلاد حبيبي الاسمراني من غير لا ميه ولا زاد.بعدين ايه رايك في اللي عامل حمل وهو ديب وكمان بالف وش والف عين وبالف ضحكه ملونين .بس سيبك انت بجد صوت الحبيب تسمعه وتعرفه من بين وسط القلوب .ارق من النايات مش ممكن أي حد يقدر يوصفه غنا مالي السكات غنا جميل .كتير كمان بقول وانا في غربتي هون يا ليل غربتنا .وعشان انا بحب بجد باعشق البحر وكتير مش ساعات بكون مجنون.وبدور علي الناس في قلوب الناس وباغوص جواهم في ملامحهم .وبعدين ربنا لما يريد احلامنا بتتحقق وكلامنا بيتصدق وقلب العاصي بيسلم وعيونا بتتكلم .ولا شيء يبقي بعيد والصعب بيتهون والحزن بيتلون طول ما ايدينا في ايدين بعض كل شيء ممكن .وعلي فكره انا قلبي مساكن شعبيه وكمان قلب فاضي لو حد يحب يسكنه انا تحت امره .وعشان عينيها الحلوين الطعمين اللي ماليانه حنين بيخطفني انا مستعد اني اكون صياد سمك واحدف شباكي عشان عنيها .وبعدين دا حتي النسيم لما بيعدي بين شعرها بيقول اهات يبقي عايزاني لما تقولي بعشقك ما صرخش واكسر الدنيا واملاها اهات ..دا انا هاكتب اسمك بحبات الندا علي كل اوراق الشجر .دا انت حلم نفسي تحلمه كل القلوب عشان حسيت معاك اني ملاك مش بشر .وبعدين باقول لحبيبتي انا قلبي فانوس بس الغنا يمكن يتحبس مني شويه لكن الاكيد ان اللي جاي شموس وعنيك هايتحنو .ثم ان انا من اليوم مش هتنازل اني اسكن في بيوت الفرح انما اسكن في بيوت الحزن لا مش ممكن ومستحيل الحزن هايسكن فيا وحبيبي بين ايديا. .وانت افراحي وانت لون التفاح لان الحياه بتتلون بيك ولو أي حلم راح مني انت هاتنسهولي بلمسه ايديك الحنينه.وعلي فكره بقي نا امبارح كان عمري عشرين .عشان انا حبيتها اد الامس وشموس الغد والعصافير اللي بتحب الهوا حبيتها .وبعدين هي وسط الدايره اجمل نايره خلت قلبي يطير رحلت بينا فراشه حنينه .انت فرحي وبكره الي غير فيا . بجد انا بموت فيك يا اسمراني اللون..وعارف بقي يا اسمارني اللون لولا السهر ما كان له طعم القمر انا بقولهالك بقي مني ومن كل اللي بيحبو ا الدنيا دي بكل ما فيها احنا عشااااااااااااق الحياه
