"سبايدر" يفك شفرة إعلان "حلواني الإخوان" ويؤكد أنه يدعو للفوضى

أكد أحمد سبايدر، أحد أنصار الرئيس الأسبق مبارك، أن إعلان "حلواني إخوان" ماسوني يدعو إلى فوضى في 25 يناير.
قال سبايدر - عبر صفحته الرسمية على موقع فيس بوك - اليوم الجمعة، تحت اسم "فك شفرات إعلان حلواني إخوان": إنه تمكن من فك شفرة الإعلان من خلال صورة التقطت من الإعلان واضعًا علامات على الأجزاء التي يظن أنها مشفرة.
وأشار إلى أن الصورة في بداية الإعلان "لولد لابس خوذة صفرة اللي هيركز في اللي مكتوب عالخوذة الصفرا دي هيلاقي كلمة رابعة مكتوبة بخط الرقعة اللي هيركز في الفيديو نفسه هيعرف يقرأها كويس".
وأضاف سبايدر: "رقم 3 يعني كلاكيت تالت مرة يعاد لتالت مرة والمقصود هنا يوم 25 يناير 2014 اللي الإخوان بيجهزوا له مع حركة 6 إبليس". وتابع: "25 هو زي ما قولت الثورة الجديدة اللي بيجهزوا لها، وتاريخ 22 11 دي شفرة ماكنتش عاوز أفكها خالص عشان ماتتسرقش مني بس يلا مضطر أقولها لكم عشان خاطر عيونكم الرقم ده كود ال yellow block اللي عملوها الإخوان زي البلاك بلوك كده، وهينزلوا بمجموعات كتير ملثمة في الشارع يوم 25".
وأنهى سبايدر تدوينته: "رقم 6 ده رقم بيعتزوا بيه أوي الماسونيين في كل كلامهم وأفعالهم؛ لأن 666 ده رمز الشيطان ولو لاحظتوا فاهيتا مع محمود سعد ومع خيري رمضان قالته بدون أي لأزمة إنه كان يتقال".