سوسن بدر: نفسي يكون فيه مساحة للحرية واحنا بقينا خايفين نتكلم (فيديو)

سوسن بدر، قالت الفنانة سوسن بدر: "نفسي أشوف مساحة حرية أكبر في الدراما والإعلام، مفيش حاجة اسمها ما يبقاش فيه سقف، الصح والغلط ليهم سقف لكن فيه فرق بين السقف اللي نازل أوي والسقف العالي شوية فنعرف نفكر".

سقف الحرية الفنية
وأضافت خلال لقائها ببرنامج "أسرار النجوم" المذاع على إذاعة "نجوم إف إم": "طول ما السقف عمال ينزل وأنا متأكدة إن ما اتقالش لحد ما تتكلمش في حاجة بل بالعكس احنا اللي بقينا خايفين نتكلم مش علشان حاجة معينة ولكن بسبب السوشيال ميديا".

مساحة الحرية
وتابعت: "نفسي يبقى فيه مساحة حرية والحرية لازم يتلازم معاها شجاعة وقوة علشان نعمل فن مختلف وإلا الفن هيفضل يدور في 2 سم وغيرنا بقى عنده 10 آلاف ميل بيدور فيهم، الآخر بيعمل واحنا مش عارفين ونرجع نقول ليه لأ احنا دولة رائدة والريادة محتاجة حرية وشجاعة".

موضوعية الإعلام
وأكملت: "في الإعلام نفسي أشوف موضوعية نتكلم باللي لينا واللي علينا ولكن مش طول الوقت الإعلام بيتعامل مع الناس بشكل ما فيهوش موضوعية لا موضوعية، لا قدم لي يا حبيبي الحكاية بشكل موضوعي بالحلو اللي فيها والحلو اللي مش فيها طول ما فيه رأي ورأي آخر هيبقى فيه دولة وفن وإعلام وكل حاجة ونجاح".

موقف سوسن بدر من عمل دور مذيعة
وتابعت سوسن بدر: "نفسي أعمل دور إعلامية أو مذيعة بس يبقى فيه فكرة كويسة".
سوسن بدر: معرفتش قيمة نفرتيتي إلا لما كبرت ولو متمسكناش بحضارتنا هنختفي (فيديو)
شاهد سوسن بدر وشريف سلامة وغادة عادل من كواليس تصوير ساعة إجابة
في نفس اللقاء، قالت الفنانة سوسن بدر: "لقبت بنفرتيتي السينما من أيام المخرج شادي عبد السلام واحنا بنحضر فيلم إخناتون، وما كنتش عارفة أهمية الاسم فرحت باللقب زي الشحرورة ودلوعة السينما، وقتها ما كانش حد لسه يعرفني بس لما كبرت عرفت أهمية اللقب".

حضارة وتاريخ أم الدنيا
وأضافت خلال لقائها ببرنامج "أسرار النجوم" المذاع على إذاعة "نجوم إف إم": "ما ينفعش نخلي خواجة يتكلم عن حضارة وتاريخ مصر، وعلشان كدا عملنا القصص الوثائقية أم الدنيا".

أهمية التمسك بالحضارة والتاريخ
وتابعت سوسن بدر: "لازم نتعامل مع تاريخنا باحترام ولو ما اتمسكناش بحضارتنا وتاريخنا هنختفي، ولازم نتمسك بحضارتنا ونعلم ولادنا الانتماء بإنهم يشوفوا المناطق الأثرية والتاريخية لبلدهم".
نقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.