كنباوي وكنباويه.. حلقة رقم (3).. حريق القاهرة 17 رمضان 2013 غزوة البلتاجي!

كنباوي يهتم بكنباوية اهتماما على غير العادة منذ أن علم بحملها والفرحة تشع من عينيه وهي تلحظ ذلك وفرحة به
كنباوي: مانفسكيش في حاجة؟ أنتي ناوية تتوحمي إمتى؟
كنباوية: ياراجل ماتكسفنيش أنا مش عارفه اقول للعيال إزاي
كنباوي: وتقولي انتي ليه أنا اللي أقول لا هو عيب ولا حرام اهه ده أحسن حاجه حصلت من أيام ثوره 25 يناير كفاية غم بقي كنا محتاجين فرحة تخش البيت والحمد لله دخلت على إيدك
كنباوية: ايدي لوحدي؟ ما هو لولاك ما كنتش حملت
كنباوي: لولا ربنا وإرادة ربنا بس ربنا يعدي يوم 17 رمضان على خير
كنباوية: ليه؟ واشمعني يوم 17 رمضان ؟
كنباوي: ده يوم ذكرى غزوة بدر الإخوان ناويين يكرروها على طريقتهم وحتبقي غزوة البلتاجي
كنباوية: وناويين يعملوا ايه في اليوم ده؟
كنباوي: حريق القاهرة الجديد 2013 ناويين يحرقوا القاهرة
كنباوية: ياراجل قول كلام غير ده
كنباوي: والله ياكنباويه ده اللي همه ناويين يعملوه خطه حطها المرشد وناوي ينفذها البلتاجي إنهم يحرقوا ماسبيرو وجامعة الدول العربية وكل مولات وسط البلد ومحال عباس العقاد ومقر الأمن المركزي وناويين كمان يولعوا اكتر من محطة كهربا علشان النور يقطع في اكتر مناطق القاهرة ويدبوا الرعب في نفوس الناس ده غير النار اللي ناويين يولعوها لتخويف الشعب وكل ده ساعة الفطار علشان الناس بتبقي ملخومة وبتجهز لفطارها ومش مدية خوانة ده غير أنهم حيدفعوا بألفين شاب إخواني مدربينهم كويس على اساليب القتال و100 جهادي بيعرفوا يستعملوا الأسلحة الثقيلة وكل دول حيبقوا لابسين لبس الجيش الجديد علشان تحصل وقيعة بين الجيش والشعب ده غير إنهم ناويين يهجموا على الجاليات السورية والعراقيه اللي قاعدين في 6 أكتوبر علشان يكرهوا الجيش وينقلبوا عليه ويبقوا في صف الإخوان
كنباوية: كل ده المرشد مخططه؟
كنباوي: ده راجل ملعون المعركة بالنسبة له حياه أو موت يا ينتصر يا يموت مفيش بدائل
كنباوية: والحل إيه؟
كنباوي: الحل أن الجيش يأمن كل المنشآت اللي همه ناوين يحرقوها وخاصه المولات ومحطات الكهربا
كنباوية: الجيش لازم يعمل عمل قوي أوي يرد بيه على أفعال الإخوان
كنباوي: الجيش ايده مكتوفه من الصحف والإعلام الغربي ده الإخوان متفقه مع قناه الجزيرة الملعونة إنها تصور كل اللي همه ناويين يعملوه علشان تعرضها على العالم الخارجي والمجتمع الدولي
كنباوية: كل دول مش حينفعونا لما الفأس تقع في الرأس والبلد تخرب
كنباوي: إن شاء الله مش حتخرب ربنا حيحلها من عنده
كنباوية: الموضوع برضه لسه بأيد الجيش الجيش هو اللي في إيده الحل
كنباوي: معاكي حق الجيش لازم يتصرف ويقول للإخوان انا هنا موجود واقدر اعمل كتير علشان الإخوان تتعظ
كنباوية: همه دول بيتعظوا أبدا
كنباوي: على قولك ديل الكلب عمره ما بينعدل
كنباوية: ربنا أقوى منهم
كنباوي: ربنا ياخدهم ويريحنا منهم
كنباوية: يسمع منك ربنا آمين يارب
كنباوي: آمين !