بتخشله الأوضة وتعمل معاه حركات.. ميمي جمال تحكي عن نزوة لحسن مصطفى مع فتاة |فيديو

كشفت الفنانة ميمي جمال، عن نزوة لزوجها الفنان الراحل حسن مصطفى مع إحدى الفتيات خلال عرض مسرحي في الإسكندرية.

بداية نزوة حسن مصطفى
وقالت ميمي جمال خلال لقائها ببرنامج "الستات" المذاع على قناة "المحور": "حسن مصطفى كان بيشتغل في مسرحية وفيها بنات بتوع رقص واستعراض، والمسرحية دي كان فيها 3 كوميديانات هو واحد منهم".

فتاة لعوب استغلت حسن مصطفى
وتابعت: "إحدى الفتيات في المسرحية كانت بتخش لحسن مصطفى أوضته وتكلمه وتعمل حركات وهو كان راجل كبير، فتيجي بنت عندها 18 سنة وتخش تحط إيديها على أكتافه وتقوله شايف المانيكير أنا حاطه عليه حروف اسمك، والبنت كانت بتلعب عليه وهو راجل كبير في السن، وهو طبعًا انجذب وانبهر رغم أنه مش جان ولا حسين فهمي ومكنش جميل".
وأضافت: "البنت فضلت تلعب على حسن مصطفى وتقوله والنبي يا أستاذ توصلني علشان أنا ساكنة هنا قريب وركبت معاه مرة أو مرتين وصلها بيتها، وعرفت وأنا بشتغل في القاهرة وهو كان في إسكندرية بتفاصيل النزوة من البنت اللى بتقطع التذاكر لأنها كانت صاحبتي فشافت منظر معجبهاش فكلمتني وقالتلي لازم تيجي وأن شايفة أنك تيجي الأسبوع ده علشان فيه شوية حاجات مش حلوة وتستاهل أنك تيجي بسرعة، فركبت وروحت إسكندرية ولقيته جاي من بره فقلت له وصلت الهانم، وقتها اتخض وقالى هانم مين؟، فقلت له الحكاية كلها اللى حصلت مع البنت، وقتها انفعل وقال إيه الكلام ده بصوت عالي ومين اللى قالك الكلام ده والناس دي عايزة تخرب البيوت، فقلت له كلامك ده مش هياكل معايا، قولتله أنا هنساها وهعتبرها شوية لعب عيال وكلام فارغ وهعمل نفسي أني معرفش حاجة".
ميمي جمال عن عودتها للفن: قعدت فترة طويلة على الكنبة
هل ترتدي ميمي جمال الحجاب.. الفنانة تفجر مفاجأة
حقيقة طلب ميمي جمال الطلاق من حسن مصطفى
ووأردفت: "مكنتش عايزة زواجي من حسن مصطفى يفشل علشان عندي بنات، ومطلبتش بعد ما عرفت بالنزوة بتاعته الطلاق خوفًا على بناتي".