ما بعد الإخوان؟!!

سؤال تسلل إلى تفكيري ماذا سيفعل الإخوان بعد ال48 ساعة التي أعلنها الفريق السيسي، ما هو موقف شباب الإخوان نفسهم.. الناس دي اتربت على مبدأ الظلم والقهر وأنهم فوق البشر ولما وصلوا للسلطة اتأكدوا من دا بسبب تغفيل قياداتهم ليهم وضحكهم عليهم، هيعملوا ايه لما الشعب كله ينبذهم.. طيب احنا هنتصرف معاهم ازاي.
قيادات الإخوان اتربوا في السجون وعاشوا فيها أكتر ما كانوا في بيوتهم، لكن الشباب الصغير ليهم حق علينا بصفتهم مصريين اتضحك عليهم ولا هياخده بالجزمة زي قياداتهم؟!! يا ترا كلهم فاسدون ولا فيهم شويه ممكن نصلح منهم وناخدهم في حضننا ونصلح فيهم ما افسده قياداتهم الأغبية.
السؤال الحقيقي الشعب هيعرف يعمل دا ولا لا.. طيب دي مسؤلية مين.. صحيح بقا لينا عندهم تار ويارب ميتهوروش ويقلبوا الترابيزه فوق روسهم وروس المصريين بالضرب في المظاهرات.. علشان العداوة متزيدش.. يارب نعرف نتجمع ونبدأ نبني مصر.. كدا كفاية قوي خراب وجه وقت التعمير.