STates& tweets

سيد مفتاح: إنك تبقى عارف أسماء احتياطى برشلونة بأرقام تى شيرتاتهم، ومش عارف أسماء 3 وزرا فى مصر ده فى حد ذاته أكبر إهانة لحكومة دكتور هشام مصباح.
الشانيرال: من وقت ليس ببعيد كنا بنقول ( إيه يا عم هوه أنت فاكرنى هندى وراكن الفيل برة) وطلعوا ناس بعد فترة يقولوا يا ريتنا كنا هنود.. الجديد بقى أن الهنود دلوقتى بيقولوا لبعض (صديق.. أنت فاكر إنى مصرى وسايب طائر نهضة برة).
يحيي فؤاد: السؤال اللى بيدور في ذهني: هل السير أليكس فيرجسون بعد اعتزاله سيقوم مرسي بتكريمه وإهدائه قلادة النيل؟..
ياسر إسماعيل: وممكن كمان يعينه سفير.
رائف البيدق: الحق يا فضيلة المرشد.. إسرائيل دنست الأقصي.. تعليمات سعادتك إيه؟ رد عليهم: «اشتموا في حمدين والبرادعي».
أبو نسمة الأسطورة: وهكذا تحولت الإسكندرية من عروس إلى أرملة البحر الأبيض المتوسط.
حامد الباني: وأنت فى الشارع اكتب على أى حيطة «منك لله ياللى فى بالى».. وتعالى تانى يوم هاتلاقي مكتوب تحتها «يا ريت ندي لمرسى فرصة.. ممكن يبقى رئيس كويس».
أحمد سلامة: لو حسيت إنك فاشل وتافه ودمك تقيل وكل الناس بتكرهك ما تيأسش وافتح قناة دريم هتلاقي برنامج بيقدمه خالد الغندور.. شفت مش قلت لك ما تيأسش..
مريم الخولي: اللي حاولوا اغتيال قنديل دول أصلا راضعين من الشيطان.. يمسيك بالخير يا خالد يا عبد الله..
الشومة: في مصر ما ينفعش تحب السادات وعبدالناصر في نفس الوقت، أو تحب البرادعي وتنتقده، أو تؤيد مرسي وتقبل إن حد يعارضه، إحنا شعب عايش بعين واحدة!..
منير فخر: قنديل هيدخل موسوعة الأرقام القياسية كأول رئيس وزراء في التاريخ تتنفذ ضده محاولة اغتيال بعربية ربع نقل وفرد خرطوش.. لأ واللي ينفذها مبيض محارة وفني الوميتال.. أنا لو منه أنتحر..
طارق محفوظ: بيقولك الجماعة كلمت الجنزورى عشان يشكل حكومة لكنه رفض وبشدة.. فأبقوا على هشام قطونيل فى مكانه .. طيب ماشفتوش عاطف صدقى ليه ياجماعة ؟!..
لميس عبد الغفار: باسم عودة راجل ناجح وإحنا اللى بنفترى عليه فعلا.. تصدق إحنا لسه راجعين من الفرن وإحنا اللى كنا بنخبز العيش ده اللى مش صالح للاستهلاك الآدمى عشان نخليه يفشل ودى مؤامرة، وكلنا ضد المشروع الإسلامى ...إلخ، وفقرة التبرير المعتادة..