بالصور.. رد فعل رواد «فيس بوك» على زواج عمرو يوسف وكندة علوش.. أحمد: زلزال يضرب قلوب المصريات.. رونا: هيفركشوا من كتر الحسد.. وكريم: نص جمال الكرة الأرضية

انتشرت في الساعات الماضية، شائعات حول خطبة الفنان عمرو يوسف، والفنانة كندة علوش، في حين أكد مقربون للنجمين، عقد قرانهما أول أمس، وأن موعد الزفاف سيكون أول شهر من العام الجديد، وهو ما أثار ضجة كبيرة عبر مواقع التواصل الاجتماعي، ورصدت «فيتو» عدد التعليقات ومن بينها:
نص جمال الكرة الأرضية
قال كريم: «فيه قصة حب جامدة أوي بين عمرو يوسف وكندة علوش، واحتمال يتجوزوا قريب أوي يمكن بكره أو بعده»، وأضاف فادي: «يلا الله يحرقهم واخدين نص جمال الكرة الأرضية».
كتبوا كتابهم في السفارة
وقالت يارا: «أنا واحدة صاحبتي شافتهم بيكتبوا كتابهم في السفارة»، وأضافت سارة: «يعني مزيج من كندة وعمرو ما هذا بحق الجمال»، وأضافت مروة: «تشيز كيك بالفراولة».
سيبوني أعيش مع أحزاني
وقالت رحاب هاني: «خلاص يا جماعة خلاص، عرفت إشاعة أن عمرو يوسف هيتجوز كندة علوش مصر كلها عملالي تاج، كفاية كفاااية كفااااية سيبوني أعيش مع أحزاني وطبق البطاطس المحمرة الكبير اللي حمرته واللي جانبه الجبنة الرومي والفلفل والخيار كفاية، سيبوني أبكي على اللبن المسكوب في سلام.. ليه_كده_يا_عمرو.. أنت_الوحيد_في_الملونين».
هيفركشوا من كتر الحسد
وأضافت رونا: «أنا سبت الفيس 3 ساعات ونمت صحيت لقيت ناس بتقول مرتبطين واللي بيقولوا اتخطبوا واللي بيقولوا هيتجوزوا، في إيه»، وقالت شيماء: «أسوان أكيد حب الحكاية في جراند أوتيل ربنا يسعدهم».
وتابعت مريم: «والله من كتر الحسد هيفركشوا النهاردة قبل بكرة».
زلزال يضرب قلوب المصريات
وقال أحمد: «زلزال بقوة 7 ريختر يضرب قلوب بنات مصر».
وأضاف عبده: «وماذا يحدث بعد زواج عمرو يوسف وكندة علوش.. يحدث هزة عاطفية في قلوب البنات يحدث محن يحدث سهوكة.. تتكرر عبارات زي أنا أحلى منها لولا البخت والنصيب.. ده بجد أنت إزاي كدة خطوبة الكائن الباندا.. لغاية ماتيجي قصة حب تانية وتحدث نفس الزيطة برضو.. الزيطة في مصر أسلوب حياة».