حسبى الله فى اخت خطيبى

استحملونى لو طولت عليكم انا عندى 27 سنه ومخطوبه وكنت مخطوبه مرتين قبل كده ومحصلش نصيب وخطيبى انا بحبه اووى وهو بيحبنى احنا العيلتين كنا نعرف بعض من قبل الخطوبه واتخطبتله وهو مسافر وكان بيبعت لولدته تشطبله شقته وهو مسافر وولده متوفى المشكله عنده اخت حسبى الله ونعم الوكيل فيها اتخطبت بعدنا ومن ساعتها عماله توقع الدنيا وماسكه ودان امها لغايه لما كرهتها فيه بعد لما كانت بتحبنى ووقعت بين امها وخطيبى وكل ده علشان تتجوز قبلنا علشان ماتساعدش خطيبى باى حاجه وهو والله ماكنش محتاج وانا كنت راضيه تتجوز الاول بس ربنا يجمعنى بخطيبى وعملت مشاكل جامده واتجوزت هى بعد كام شهر وسابتنا فى المشاكل واختراعات وكل ده فضلو مدكنين لما تجوزت وبعد سنتين من خطوبتى وخلاص على الفرح جايين يقولو سمعنا انك قلتى علينا كذا وكذا اقولهم طيب وجهونى باللى قال يسكتو ويطلعو كلام تانى ولما ابنها يقولها ياماما ماتظلميهاش هات اللى قالك واعرفى الحقيقه تقوله هى اخدت فى صفها من دلوقتى وهى وبناتها قالبين عليه ويقولو مش هنحضر الفرح ولا حتى راضيه تساعده فى الجهاز انا حاسه انى مظلوووومه اوووى ويأسه من حياتى اووى وخطيبى كمان ياعينى مش عارف يعمل ايه زى مايكونو بيذلونا وكل لما خطيبى يزعق من شده الاعصاب اللى احنا فيها يقولو قلبتك علينا داانا كنت خلصت مطبخى وستاير الشقه والفرش وكنت طايره من الفرح والله وماما دموعها بتموتنى لانى عندى 27 سنه ودى تالت خطوبه ليه انا بحبه اوى وهو كويس وانا عماله انا وهو نقنع فى اهله ونراضى فيهم زى مايكونو بيتلككو وزى مايكون مش مكتوبلى الفرح دى تالت خطوبه ليه وانا بحبه اعمل ايه لو سمحتو؟ هو شارينى قوووى بس نعمل ايه فى اهله وهو انا جيت على كرامتى اووى كده لما استحملت امه وكلامها الجارح وكمان فى اهلى وسكت وقلت يمكن زعلانه علشان المركب تمشى ؟ انا محتاجة النصيحة ومنتظرة ردودكم على مشكلتى