حب من طرف واحد

بسم الله الرحمن الرحيم
أولًا: شكراً ليكم على نصائحكم
ثانيًا: أنا عندى22 سنة حاصل على بكالريوس تجارة والحمد لله أعمل بوظيفة كويسة لم احب غير ف اخر سنة ف الجامعه لجارتى عندها الان 19سنه من مواليد 1994
أول حب ف حياتى واخر حب لكن ماحصلش نصيب مش عارف انساها ماحبتش حد زيها مش شايف حد اجمل منها او حتى زيها انا شايفها احسن ببنت ف الدنيا كل حاجه كانت عجبانى فيها جمالها وعقلها…أنا بس اللى شايفها جميله عشان شكلها والحب اصلا مش بالشكل..مع ان رأى امى واخواتى انها مش حلوة خالص…بس انا شايفها احسن بنت ف الدنيا..المهم ماما جابتلى عرايس كتير بس أنا مش قادر أحب غيرها..مش متخيل إنى هقدر أعيش مع غيرها، أى بنت اكلمها لو قالتى كلمه جارتى كانت بتقولهالى افتكر كل حاجه كانت بينا وكل ما انسى شويه اشوفها بحكم انها جارتى افتكر كل ذكرياتنا مع بعض…مش عارف اعمل ايه حاسس ان كده خلاص مش هحب تانى ولو اتجوزت هتجوز جواز عادى عشان بس يبقى عندى اولاد وارضى اهلى وخلاص وف نفس الوقت هظلم الانسانه اللى انا هتجوزها…مع العلم ان سبب اتفصالى انا وجارتى انها اتخطبت فالوقت اللى انا مكنتش جاهز اتقدملها…بس هى وعدتنى انها لو سابته هترجعلى..وسابته وكنت هموت من الفرحه..ولما قولتلها انى هتقدملها رفضت وقالتلى انها هتعيش لوحدها وانها مش حاسه نحيتى بحاجه طبعا ف الوقت الحالى مع ان قبل خطوبتها واثناء علاقتنا ببعض كان عندها مشاعر نحيتى..بس مش عرف ايه اللى حصل ، أنا مش عارف اعمل معاها ايه هى دلوقتى بتتجاهلنى تماما بس انا بحبها اوى ومش عرف ارتبط بحد غيرها وانا كنت مايل عليها اوى او بالعاميه مدلوق عليها اوى اوى وكانت بتصدنى وانا افضل متمسم بيها
انا عارف انه غلط بس بحبها اعمل ايه..
انا عارف ان الرد انى ابعد بس انا مش عارف ومش عارف انساها وده مأثر عليا ف كل حاجه مش عارف اعمل ايه
وشكرا جزيلا
صديقنا العزيز
اعلم أن الأمور تسير بمقادير ولو أعطانا الله علمه ورأينا ماذا يحدد في المستقبل لتمنينا أن يظل الواقع أفضل، واعلم أن الحياة لاتتوقف على شخص، وأنها ليست نهاية العالم؛ فالحب شيء جميل اما أن يسعد صاحبه أو يكون سبب شقاؤه .
ففتح قلبك للدنيا ولا تغلقها على شخص بعينه لعل هناك شخص آخر يحبك ولا تدري يعوضك عن هذا الحب ويجعلك تنظر للحياة بعين آخرى ولا تنظر إلى الخلف ولكن أنظر إلى الأعلى فهناك رب يسعدك وأسأله أن يقدر لك الخير حيث كان.