أبو إسماعيل يعلن عودة اللحظة الفارقة

اللحظة الفارقة عادت من جديد، هذا ما أكده الشيخ حازم أبوإسماعيل، عبر قناة "أمجاد" فى خطاب تلفزيونى أعلن فيه عن تدشين حزبه الذى وصفه أبوإسماعيل بأنه ليس حزبا!، ولكن الإعلام يسمونه حزبا! الحركة كما يحب أبوإسماعيل أن يطلق عليها لاقت مئات التعليقات الساخرة وكانت صفحة المجلس الأعلى للألش صاحبة أفضل تعليقات على الحدث، حيث قال مؤسس الصفحة: أبوإسماعيل على قناة الأمجاد ومحدش يسألنى إيه قناة الأمجاد دى.. بيقولكو: أدركوا اللحظة الفارقة.. فقد عادت من جديد.. بجد مش بهزر.. اللى مأدركش المرة اللى فاتت يدرك المرادى، " فيتو كافيه" رصدت تعليقات الشباب على موقع الفيس بوك حول عودة اللحظة الفارقة..
أحمد سمير: يا ست أم نيازى صحى نيازى خليه يدرك اللحظة دى.. يا أم محمووود الست اللى واقفة فوووق أدركت، عم عبده عم عبده أدركت.
سامح عدلى: هنغرق بوسترات تانى ..الحق اقفل البلكونة.
إبرهيم أحمد: الصورة دى بتموتنى م الضحك.
إيمان فوزى: كان فى زمان كارتون اسمه كابتن ماجد ... كانت الأغنية بتاعه بتقول كابتن ماجد عاد إليكم من جديد .... البوست ده فكرنى بيها.
عبدالله صادق: أصل هو عنده لحظة ساعة تروح وساعة تيجى وساعة تروح..وساعة تيجى.
محمد محيى: الواحد يلحق اللحظة من أولها وندركها كلنا.