لميس الحديدى: مساء الخير حلقة النهارده عن البورصة كل الناس اللى مهتمية بالبورصة حوالى قرابة 2 مليون مواطن ياريت يحضروا اسئلتهم النهاردة معانا رئيس البورصة ومعانا واحد من اهم خبراء سوق المال فى البورصة المصرية ايضا حضروا اسالتكم عن البورصة انا عارفة ان فيه متاعب كثيرة ومشاكل كثيرة فى سوق المال المصرى لكن قبل ما ابتدى الحقيقه عندى تعليق صغير جدا امبارح كان فيه تعديل وزارى محدود يعنى كنا نتوقع تعديل وزارى واسع لكن دايما الحكومة كده بتسعدنا ودايما تخالف توقعاتنا فكان فيه تعديل وزارى محدود يدوبك هما وزيرين اللى غيروهم وزير النقل وكان هذا متوقعا ووزير التربية والتعليم لكن انا عندى دايما سؤال عمرى ما فيه حد لا من اصدقائى الوزراء ولا من اعدائى الوزراء عمرة جاوب عليه الوزرا بتغيروا ازاى ؟ يعنى مثلا الوزير لما يجيى يمشى الو مساء الخير والله متشكرين قوى انت اخطات فى واحد اتنين تلاته فعلشان كده هتمشى ولا بيبلغوع كده مثلا بيبعتوله جواب ؟ يقولوله والله انت افسدت كذا وكذا وكذا ودست على ديل قطة او نزلت فى الفخ الفلانى او انت اغضبت هذا وهذا وهذا او انا السياسات اللى احنا رسمنهالك انت منفذتهاش فانت ماشى يعنى اعتقد ان الوزير فى مصر لا بيعرف هو جه ليه ؟ ولا بيعرف هو مشى ليه ؟ فا لا فيه وزير بيقولوا انت جاى كخبرة فى هذا ولديك القدرة على الادارة ولديك رؤية والخ لكن هو لما بيمشى يا ترى بيقولوا انت ماشكلك كانت ايه طب هما بيقولوا للوزير اللى بعده احنا اخترناك لهذه الاسباب ولان من سبقك اخطا فى واحد اتنين تلاته اربعه ؟ ما هو لان معندناش تاريخ المحاسبه اساسا ولان احنا ما بنعرفش هو فيما اخطا الوزير ما بنقلهوش يعنى من اصله فبالتالى القضية بتبقى احيانا عشوائية جدا الحقيقه الوزير يسرى الجمل وزير التعليم الاسبق احنا كنا من اول البرامج التى اختلفت معه سواء فى مقالاتى سواء فى هذا البرنامج وكنت انا بحب اختلف مع الناس وهم فى مناصبهم يعنى فى هو فى منصبه اختلف معاه وجها لوجه واقوله والله انا مختلف مع سياساتك ومختلفه مع طريقة تنفيذك لهذه السياسات وهذه ليست السياسات اللى احنا متفقين عليها كمجتمع وكحكومة وما الى ذلك اختلفنا معه وهو فى منصبة لما رحل يعنى الخلاف خلاص انتهى لانه فى النهاية وزير ورحل لكن ما يزعجنى جدا هى الطريقة التى يقال بها الوزراء فى مصريعنى الراجل نزل الصبح راح المدرسة وخد التطعيم لف على المدارس اكيد يعنى القرار كان موجود يعنى ايد القرار احنا نايميين قبلها بليلة واكيد الريس مبلغ القراريعنى اكيد هناك قرار واضح بان هذا الوزيرسيقال بكرة طريقة بقى ابلاغ الوزيريعنى ليه الراجل يروح المدرسه ويروح ياخد التطعيم ليه يعنى تبلغوه فى نص اليوم ؟ طب ما يصحى الصبح مثلا صباخ الخيريا سياد الوزيرمترحش مكتبك علشان الوضع كذا كذا كذا يعنى انا بحس ان الوزيرفى مصرالحقيقه بيهان باشكال كثيرة جدا هذا منصب سياسى مهم يجب ان يعرف الوزيرليه بيجيى ويجب ان يعرف الوزيرايضا لماذا يخرج ؟ والا بقى اصبح هذا المنصب اى حد يعدى اى حد يطلع الموضوع ما بقاش مشكلة الوزير راح اطعم وخرج من الوزارة يعنى موقف غريب جدا المهم يعنى نحن نتمنى الكثيرمن التوفيق ربما حظ افضل للدكتوراحمد ذكى بدركان رئيسا لجامعة عين شمس يعنى لا استطيع ان اقول لا حاجات كويسة ولا حاجات وحشة خلونا نشوف رؤية خلونا نناقشه فى السياسات قبل ما نبتدى نتكلم اما المهندس علاء فهمى فهو انا اعرفه شخصيا طبعا كان رئيسا لهيئة البريد ويعنى عمل فترة طويلة فى هذا المجال نتمنى له حظا افضل فى مجال النقل بالذات ان هذه الوزارة هى مقبرة الوزراء معظم الوزرا اللى بيجوا بيروحوا لسبب او لاخرحادثة قطرحادثة عربية يعنى فيه دايما حوادث السكك الحديدية يعنى الحقيقة هى مقبرة الوزراء فى بلدنا نتمنى له حظا افضل فى الفترة المقبلة ودا معناه ان الحكومة قعد معانا قرب تقريبا يعنى 2011 يعنى ابشركم جميعا ان الحكومة كده شكلها مبيتة معانا شوية لكن حظا افضل للحكومة والحقيقه تغييرالوزراء ليس هو يعنى النهاية القضية هى قضية سياسات هل سننفذ سياسات افضل للتعليم ؟ هل سننفذ سياسات افضل للنقل ؟ هذه هى القضية الاساسيةاما ان يكون هناك رؤية واضحة اولويات واضحة او غيروا الناس مش مهم قبل ما نخش فى موضوع البورصه منذ يومين ايضا وهى قضية اقتصادية شديدة الاهميه رفض التظلم اللى تقدم به المهندس نجيب ساويرس او اوراسكوم تليكوم ضد قرار هيئة الرقابه الاداريه بالعرض اللى قدمته فرانس تليكوم بشراء 100% من اسهم موبينيل الدكتور زياد بهاء الدين رئيس هيئة الرقابة الماليه امبارح عمل مؤتمر صحفى فى اول ربما ظهور له منذ اتخاذ هذا القرار فيه جدل واسع حوالين هذا القراراحنا قلنا موقفنا منذ حلقتين تقريبا هنسمع راى الدكتورزياد دلوقتى فى هذا المؤتمرالصحفى ثم نستمع الى راى اخرحول هذا الموضوع د/ زياد بهاء الدين:اذنا تدخل الهيئة انا بقول انها لم تكن طرفا فى النزاع من بدايته النزاع اللى ما بين شركتى اوراسكوم تليكوم وفرانس تليكوم تدخل الهيئة جاء بمحض ارادة الهيئة بمحض قرار الهيئة لحماية الاقليه ال 30 % دول وتدخلت الهيئة ورفضت 3 عروض الى ان قبلت العرض الرابع والى هنا ينتهى دور الهيئة فى حماية الاقليه ويعود الامر كما كان يجب ان يكون من البداية يعود الامر لى خلاف قانونى ما بين شركتين احنا لسنا طرف فيه صدر القرار امبارح بتاييد قرار الهيئة وبالتالى عرض الشرا طبعا ما كنش اتوقف اصلا لان هو مستمر للتاريخ المقرر له وزى ما بقولكم الى هنا ينتهى دور الهيئة لميس الحديدى: دا اللى قاله دكتور زياد بهاء الدين الدكتور زياد اكد ايضا انه لم تكن هناك اى ضغوط سياسيه على الهيئة لاتخاذ هذ القرار كان اشيع فى الفترة الماضية ان هناك ضغوط سياسيه فى هذه المرحلة لاتخاذ قرار لصالح فرانس تليكوم ضد اوراسكوم ويعنى امور كثيرة جدا لكن كما استمعنا لراى الدكتور زياد بهاء الدين احب استمع لراى الدكتور هانى ثرى الدين المستشار القانونى لاوراسكوم تليكوم مساء الخير يا دكتور هانى د/هانى ثرى الدين: مسا النور لميس الحديدى: عايزة اسالك ما هى المرحلة القادمة الان لاوراسكوم تليكوم هل هذا سيعنى ان الموضوع خلص وان خلاص الناس هتبيع فى الفلور وانتم هتضطروا لتنفيذ الحكم وانتهى عصر موبينيل فى مصر ؟ د/هانى ثرى الدين: هو من الناحية القانونيه لم يصدر حكم الحكم لا يصدر من محكمة مختصه المرحلة اللى احنا انتهينا منها دى مرحلة قرارات هيئة الرقابة الماليه ولجان التظلمات النهاردة تم بالفعل تقديم طعن فى قرار الهيئة وضد قرار لجنة التظلمات امام مجلس الدولة والقضاء الادارى المصرى وتم بالفعل تقديم طلب فى الشركة مستعجل بوقف تنفيذ القرار قرار الهيئة ولجنة التظلمات ونامل ان يتم النظر فيه قبل 14 يناير تم فيه فى الشق المستعجل طلب وقف تنفيذ القرار وفيه الشق الموضوعى الغاء قرار الهيئة الصادر فى هذا الشان لميس الحديدى: لكن بصراحة يعنى ان متوقع ان القضاء يتخذ القرار قبل 14 ؟ د/هانى ثرى الدين: هو عاداتا الشق المستعجل طالما هو وجد حالة استعجال وضرر لايمكن تدارجه طبقا لما هو مستقرعليه نامل ان يتخذ قرارفى هذا الامر قبل 14 يناير ودا طبيعة نظر او القضاء الادارى فى نظر الشق المستعجل بوقف تنفيذ القرارات التى هى يستحيل معها تدارك الضرر طبعا فى الحالة دى ان احنا عارفين كلنا اذا عدت فترة 14 يناير من وجهة نظراوراسكوم والاقليه دون وقف القرار بطبيعة الحال بيصعب تدارك هذا الامر وبينحصر فيما بعد فى تعويضات وما الى اخره لميس الحديدى: هل هذا القرارمن هيئة الرقابة المالية هو فيه حقيقة الامريضعف موقف ارواسكوم فيه التفاوض فى التحكيم او فى قضية التحكيم اللى مع فرانس تليكوم؟ د/هانى ثرى الدين:بطبيعة الحال احنا بننظر للامريين بشكل منفصل ودايما يعنى حكم التحكيم او المنازعة الخاصة بحكم التحكيم اوراسكوم تليكوم اعلنت موقفها بشكل واضح انها بترى انه بمضى 30 يوم اللى هو اتحدد حكم التحكيم اصبحت غير ملتزمة بتنفيذ حكم التحكيم ولكن هذا مجاله اجراءات مختلفة تماما خارج اطار القضاء المصرى لان هناك اتفاق تحكيم يجب احترامه وبالتالى فى الغالب سيكون هناك اجراءات تحكيميه اخرى تنظر هذه المساله بمعزل عن الطعن امام القضاء الادارى فى قرار هيئة الرقابه الاداريه لميس الحديدى: ايه وجهة نظركم فى التظلم ايه ؟ يعنى وجهة نظر الهيئة انها تحمى حقوق الاقليات انها بتقول جابت للاقليات سعر يعنى اقول عادل لانه مقلش كده لكنه السعر اللى هما شايفينه يعنى مقارب مساوى يعنى لسعر التحكيم هما شايفين انهم جابوا للاقليات ذا بست دييل يعنى افضل دييل ممكن يتحقق يعنى انتم شايفين ايه ؟ د/هانى ثرى الدين: لا هى لا يفترض ان الهيئة بتدور على افضل دييل ولا بنقرب من السعر هناك قانون يجب ان يحترم وهناك قرارات واضحة يجب ان تحترم الواضح ببساطة شديده جدا ان وجهة نظرنا لم تتغير منذ البداية الهيئة منذ مارس الماضى اعلنت بشكل واضح وقاطع لانه يجب ان يكون هناك مساواة بين السعرين دا كلام الهيئة حتى 5 ديسمبر الماضى فى ورق رسمى امام محكمة القضاء الادارى حينما طعنت الشركة مقدمة العرض فى قرارات الهيئة السابقه الهيئة رددت وقالت ان سعر موبينيل فى منصر ليس الا مراه دا كلام الهيئة مش كلامى مراه لسعر شركة المحمول وان اى مغايرة فى السعر من خلال تكافؤ الفرص بين المساهمين واخلال بالمساواة بين المساهمين الهيئة على مدار ال4 قرارات اللى فاتت قالت بشكل واضح ان انه لم تقدم اليها اية اسباب او مستندات تستوجب هذه المغايرة دا كلام الهيئة حتى 5 ديسمبر لميس الحديدى: ايوه يا دكتور هانى يمكن قضية الادارة التى ظهرت فى اخر جمعية عموميه ان موبينيل للاتصالات الشركة اللى فوق دى موبينيل للاتصالات هى تستحق اتعاب الادارة وبالتالى لابد ان يكون هناك مغايرة فى السعرين انا بعرضلك وجهة النظر التانيه ؟ د/هانى ثرى الدين: ما عارف طبعا لا انا اسف انا اقول ان هذا الكلام غير صحيح بالمرة لسبب بسيط انه لما فى العرض التالت حتى مش هقول اخر واحد ولا قبل الاخير انتى عارفه حضرتك كان فيه 187 و 237 ثم رجعنا ل 230 ثم 245 من اول العرض التانى اللى هو بتاع 237 هذه المستندات قدمت واتفاقية الادارة قدمت والهيئة رفضت وقالت ان هذا لا يصلح الهيئة رفضت دى نقطة مهمة جدا اريد ان اوضحها حينما رفضت طبقا لما هو ثابت فى الاوراق وطبقا لدفاع الهيئة قالت 3 حاجات على اتفاقيه الادارة مش حاجة واحده قالت 3 حاجات على اساسها رفضت قالت 1: ان هذه الاتفاقيه ممتدة الصله عن شركة موبينيل اوراسكوم وفرانس تليكوم باعتبارهم مساهمين فى خدمات المحمول فمتدة الصضلة دا اللى قالته الهيئة 2: قالت واله يا جماعه هذه الاتفاقية غير محددة المده ومقدرش انى انا احددها وبالتالى مقدرش احدد قيمتها دا اللى قالته الهيئة مش اوراسكوم اللى قالت هذا الكلام والسبب التالت انكم لم تفصحوا احنا جينا قلنا يا جماعة لم تتغير هذه الاسباب والوقائع لا زالت الاتفاقية ممتدة الصلة لازال الامر التانى انها غير محدده مفيش حاجة جدت وفيما يخص الافصاح منذ 2002 يتم الافصاح بشكل ربع سنوى فى القوائم الماليه فى تقرير مراقب الحسابات بتتحدد القيمة كل شىء وارد فى القوائم الماليه وحتى فى اخر جمعية لما اتعقدت الجمعية بطلب من الهيئة مراقب الحسابات اعلن فى الورق الرسمى قال هذا تحصيل حاصل لانه يتم الافصاح بشكل دورى وبشكل طبقا لمعايير المحاسبه وطبقا للقوانين الساريه وبالتالى هذه لا تعد واقعه جديده لميس الحديدى:طب دكتور هانى علشان وقت البرنامج انت متفائل ولا متشائم بصراحة يعنى ؟ د/هانى ثرى الدين:بامانة انا متفائل جدا لميس الحديدى:انا مش فاهمة انت متفائل بى ايه ؟ دا اترفض التظلم بتاعك القضاء الادارى يا عالم هتلحق ولا لا ؟ عندك حكم تحكيم يعنى انا اشعر ان هذه الايام الاخيرة لورقة موبينيل فى البورصة المصريه ولوجود نجيب ساويرس معانا اساسا يعنى ؟ د/هانى ثرى الدين: لازالنا متفائلين لا زالنا نشعر تماما باننا اصحاب حق ونؤمن باننا اصحاب حق وسندافع عن هذا الحق حتى النهاسة ولن نستسلم ونرى ان ما حدث امرا غير عادل لميس الحديدى:اشكرك دكتور هانى ثرى الدين المستشار القانونى لاوراسكوم تليكوم اشكركم انا كده عرضت وجهتين النظر ربما لاكون بس اكثر حيادية بالرغم من انا وجهة نظرى باكتبها كثير جدا فى هذا الموضوع البورصة المصرية السنة اللى فاتت البورصة كان يبدوا انها جيدة بالارقام كده طالعه 35% بمؤشر ايجى اكس الاحوال كده تبدوا جيده خرجنا من الازمة الماليه بشكل مش سىء للغاية لكن هناك غضب عارم ما بين المستثمرين بالذات صغار المستثمرين الحاله مش بنفس ما تقوله الارقام اجمالى التدوال تراجع قليلا السنة اللى فاتت حوالى بقى 448 مليار جنيه مقابل 530 مليار العام الذى سبق ماذا تعنى هذه الارقام ؟ ماذا نحن مقبلون عليه ؟ 2010 ماذا ستعنى للمستثمر المصرى ؟ معى رئيس البورصة المصريه الاستاذ ماجد شوقى والمهندس هانى توفيق خبير سوق المال لكن اسمحلى استاذ ماجد بس قبل ملا ابتدى انت رايك ايه يا استاذ هانى ؟ انا مش هسئلك عن موضوع موبينيل انا عارفه انك فى حرج يعنى انت رئيس البورصة وبالتالى ربما لاتستطيع ان تعلق ولا تحب تعلق ؟ ماجد شوقى :افضل هانى يعلق لميس الحديدى:اه طيب استاذ هانى هانى توفيق :هو الحقيقة اوراسكوم تليكوم اذا كنا هنعلق عليها ان هما فيه وجهتين نظر وقانونيتهم يعنى استمعت للوجهتين والوجهتين عندهم من الاساليب القانونيه القوية جدا لميس الحديدى:لا كلمنى على الامبرلا الواسعه على المظلة الاوسع يعنى احنا عندنا ورقتين مهمين جدا فى البورصة ورقة موبينيل وورقة اوتيم ايه اللى هيحصلهم فى حال اشترت فرانس تليكوم بالكامل موبينيل ماذا سيحدث لموبينيل ؟ وما سيحدث لورقة الاسهم ؟ اعتقد ان دا اللى يهمنى هانى توفيق : يعنى ورقة موبينيل المفروض انها هتبقى زى ورقة فودافون فى الاخر خالص ممسوكة بواسطة فرانس تليكوم اعتقد ان الرقم ال 245 فيه مشكلتين كمان عندنا حملة اسهم فى اوراسكوم تليكوم وعندنا حمله اسهم فى موبينيل الدييل لو تم هو فى صالح حملة اسهم موبينيل بالتاكيد عند ال 245 السعر ده لم تصله الورقه طول عمرةا من ساعة ما ابتدت لميس الحديدى: والدليل على ده ان سهم موبينيل بيطلع؟ هانى توفيق :وطالع ل 240 و245 ولو اترفض القرار او التقرير بتاع تايم كمان عالى لميس الحديدى: بس لو جه تقريرتايم اعلى من كده ؟ هانى توفيق :هيبيع بس لو واحد عرف ان فيه سعر اعلى من كده مش هيبيع مش هيقدم ورقه انما دا طبعا على حساب حملة اسهم اوراسكوم تليكوم اللى هما مؤسسات اغلبهم طبعا وكمان الخط بتاع اوراسكوم تليكوم فى الجزائرشوية كلام فى كندا وبتاع يعنى ما كنش الوقت مناسب ليها ممكن يقدروا يعملوا حاجة لانه حتى لو المحكمة حكمت بعد ما الدييل يتنفذ هيبقى صعب قوى ان هما يقدروا يرجعوا فيه تانى فيه مشاكل قانونية دى عايزة حلقة لوحدها هتبقى صعبة قوى لميس الحديدى: ما انا بس حبيت اسمع وجهة نظرك فى هذه القضية استاذ ماجد هل ارتفاع مؤشر ايجى اكس 35 % السنة اللى فاتت يعنى اى شىء للمستثمرالصغير يعنى الناس غضبانة الناس مضايقه الناس حاسة ان هناك خلل ما فى السوق الاوراق المالية المصرى؟ ماجد شوقى :لا هو طبعا ال 35 % دا ارتفاع متوسط سعر مجموعه من الاسهم اللى هما ال 30 شركه حتى المؤشر اللى هو 70 شركة برده ارتفع فى حدود ال 29 وال 30 % يعنى المجمل المتوسط 30% لكن او عايزين نتكلم ارقام اسهم بحد عينيها طبعا فيه اسهم ارتفعت قوى عن مستوى اللى انخفض جامد فيه اسهم لسة بتحاول تتعافى اللى يعنى البورصه فى الاخر هى احجام التداول احجام التداول الحقيقه كانت ماشيه فى فترة جيده جدا لغاية ما دخلنا فى ديسمبر واواخر ديسمبر احجام التداول بدات تقل ودا يعنى بنشوفوا دايما كل سنة هل الوضع المرادى هيبقى فيه استمرار فى انخفاض احجام التداول ولا هيتعافى المفروض فى فبراير ومارس؟ احجام التدوال بتبدا فى التعافى ولا لا ؟ دا لسة حاجة برده مرتبطة بالظروف العامة فى مناخ الاستثمار مش فى مصر لكن على المستوى العالمى لميس الحديدى: هانى رايك ايه فى حال البورصة فى السنة اللى فاتت ؟ يعنى تلخيصك كده لسنة 2009 ؟ هانى توفيق :2009 طبعا شافت الخبطة العالميه اللى كل الناس شافوها الهبده كانت جامده قوى عندنا احنا نزلنا تقريبا 75% وخدى بالك حضرتك انك لما بتنزلى 75% لما تطلع لازم تطلع 300% علشان توصل لنفس الرقم يعنى مش 75% ترجعهم تانى لا فيه 300% فاحنا لسة بدرى قوى على ان احنا نشوف الارقام هى كانت موجودة قبل الازمة الماليه انا باكد على انه المشكلة مش مشكلة مصر زمان كان مرة فى السياحة اضربت مرة مش عارف الاقصر ايه بتاع ايه لا المرادى ازمة عالميه الفلوس اللى دخللنا من بره قلت صناديق الاستثمار الافيديت الاستثمار قليله انا بعتقد ان لسة عندنا مشاكل مبنتش يعنى كانت موجودة بره ولسة مسمعتش عندنا ممكن يعنى تعدى بسرعه لانها لها مساوىء فى البطاله بالذات والناس اللى راجعه من الخليج الناس اللى بطلت شغل والكلام دا كله ممكن تؤثر سلبا على كتير من القطاعات اللى موجودة لميس الحديدى: سمعت اشاعة اقالتك كام مرة ؟ ماجد شوقى : 4 مرات لميس الحديدى:4 مرات السنة اللى فاتت مش كده ؟ ماجد شوقى : لا من السنة اللى فاتت انا معرفش غير فى اخر شهر لميس الحديدى: لا بس اعتقد كان فيه الهبوط الكبيرفى نص السنة اللى فاتت؟ ماجد شوقى : كل سنة عندى اشاعة استقالة لميس الحديدى: اتعودت ولا بتضايق لسة بتتعامل ازاى مع الموضوع ده ؟ ماجد شوقى :لا اتعودت يعنى معظمها بتبقى اخبار على المنتديات لميس الحديدى:لا فيه مظاهرات اه عند البورصه فيه مظاهرات؟ ماجد شوقى : كان فيه مظاهرات فى 2006 و 2007 بص حضرتك هى فى الاخر لو هنتكلم على المظاهرات تحديدا انا بعتبرها الناس بصراحة فيها غضب شديد وانا مقدر الغضب ده انا فى البورصة وفى اداراتها ولا الرقيب فيه ايديه حاجة انه الاسعار العالمية او بورصة الخليج تنهار وبالتالى تتاثر معانا لكن الغضب من جمهور البورصة احنا بنقبله وخلاص اما اشاعة الاستقاله هى زى اى اشاعة فى السوق لميس الحديدى:يعنى رئيس البورصة ليس مسئولا عن الاسعار لكن من المسئول هو الاجراءات ؟ ماجد شوقى :صحيح لميس الحديدى: صحيح كان فيه جدل فى الفترة اللى فاتت اعتقد فى نوفمبر او فيه اكتوبر من العام الماضى بخصوص القرارات بوقف التداول على 29 شركة تقريبا ليه ؟ ماجد شوقى : ال 29 شركة انا هقول لحضرتك القصة بتاعتهم اولا هو كان فيه عدد شركات اكتر المساله ان موقف الشركات دى تحديدا مش مرتبطة بالارتفاعات السعريه بقدر ما هى مرتبطة بان احنا قدرنا نكتشف بعض المجموعات اللى فيه السوق بتعمل لغه معروفة فى السوق البوله او الجيما على اسهم وتخرج من سهم يخش سهم زمان كان البولات والجيمات دى بتتم بين عدد محدود وبنعرف عنها عن طريق المنتديات لميس الحديدى:هقف هنا ثانية يعنى ايه بوله ويعنى ايه جيما يا هانى ؟ هانى توفيق :البوله والجيما يعنى مجموعة ناس ودلوقتى بقوا منتشرين قوى بيقعدوا 30 ، 40 واحد معاهم 50 ، 60 مليون جنيه بيقعدوا يتفقه ان هما يرفعوا سعر سهم معين وهذا السةم بيكون بيستثمر يعنى ميقدروش يعملوها فى اوراسكوم ولا السى اى بى ولا الحاجات دى بيعملوها فى الشركات اللى مش ليكويد قوى اللى عدد اسهمها قليل يعرفوا يجروها واحد يبيع للتانى وواحد يبيع للتالت واسعار فلكية وبدون اى مبرر لما سعر السةم يطلع يطلع يطلع يغرى اخرين من اللى انتم بتسموهم صغار المستثمرين اللى عايز يكسب بسرعه يروح داخل يروحوا زى ما بيقولوا لعبة الشايب واحد يدى الشايب ليه ويرحوا كلهم خارجين بمكاسبهم ويفضل السةم قاعد يلف وهو لا يسوى الورق الحبر اللى مكتوب عليه تمن السةم بتاعه فدى كلها بولات لميس الحديدى:ويفضل الشايب فى اييد الصغيرين يعنى يخرج الكبارويفضل الشايب فى اييد الصغيرين ؟ هانى توفيق :معلش انا من زمان قوى وانا بنادى بهذا الموضوع وكذا مرة وكتبت برده واتكلمت فى انه مينفعش لان مش بس الكلام دا بيضر الناس دول دا بيضرنى انا كراجل محترف بجيب الصناديق فى البورصة لما الاقى انا الاداء بتاعى طالع نازل 10 % ، 12 % فى السنة والاقى واحد مكوجى مع احترامى ليهم عامل 300% 400% اضطر يخلى بعض المحترفين من مديرى صناديق الاستثمار فى بنوك محترمة ابتدى يخشوا فى هذه الجيمات بفلوس الناس التانيه الموضوع كان قديم وماجد الحركة اللى عاملها دى الحقيقه انا بقول صح لكن متأخرة شوية لميس الحديدى:متأخرة يا استاذ ماجد ؟ ماجد شوقى : لا انا هقول لحضرتك حاجة طبعا مٍسالة متأخرة والكلام دا كله فى جدل شديد لكن احنا كنا بنبص لحاجة تانية خلاص كنا بنبص ان احنا نقدر لما نيجى نوقف ال 29 شركة اولا دى حركة كبيرة للمرة التانية فى البورصة هيجى التدعيات عليها ايه التدعيات ؟ اننى انا لازم احول مجموعات معينة فى مذاكرت معينه اقدر اعمل اثباتات معينه ثم تعرف للجهات الرقابية الاخرى سواءا كان النيابه او الكلام دا كله لازم كنت ابقى قد الحاجلت دى علشان اعمل كده قدرنا نثبت فى معظم ال29 شركة الحاجات دى وقدرنا نربط المجموعات وللاسف المجموعات دى زمان كنا زمان متعودين مستثمرين لكن للاسف لقينا ادارات شركات داخله فى الالاعيب دى ودا شىء مؤسف وقدرنا فعلا نكون الصلة ما بين المجموعات دى وعملنا كل المذكرات بتاعتنا وعرضناها فعلا على الهيئة الرقابية لميس الحديدى: اه بس انت استنيت لما كان احيانا السعر بيوصل ل 1000% . ماجد شوقى:المبدا بتعاعنا احنا ما بنقيمش سعر انا لما باجى بوقف مش بوقفه لان السعر ارتفع انا بوقفه لانى انا شفت ان المجموعه وصلتلنا معلومات اكيده ان فيه مجموعات معينه هتخش على مجموعة اسهم بس فى منتهى الصراحة احنا استنينا لغاية لما دخلوا وقفلنا علشان لما قفلنا قدرنا لميس الحديدى: يعنى هى الشركات دى مش مطالبة بالافصاح يعنى هو مش فيه قواعد افصاح وقواعد شفافيه فى الشركات فجاه قواعد الافصاح دى ما بتطبقش ؟ ماجد شوقى :لا بتطبق اولا الشركات ال 29 منهم 18 شركة لمدة السنة اللى فاتت او السنة الل قبل اللى فاتت مخالفين لقواعد الافصاح وغرموا كذا مرة واتوقفوا عن التداول كذا مرة ورغم ذلك فى اجتزاب ليها من جانب المستثمرين بصورة طبعا غيرطبيعيه لانها شىء مخلوق لانها بوله او جيما او التفاف زى ما قال الاستاذ هانى دى حاجة الشىء الاخر انه الشركات دى صغيره جدا فالاسهم فيها ممكن تتحرك بسرعه الموضوع الاخطر من كده لما ابتدينا نبص على الاشخاص اللى بتدوال بكميات معينه بكميات ضخمه جدا لقينا بنشوف السيرة الذاتيه بتاعتهم لان احنا عندنا السيرة الذاتيه لكل مستثمرموجود جوا البورصه انها الاموال اللى بتستخدم لا تطابق بالاطلاق مع الشخص اللى قدامى يعنى فيه ملايين كل يوم لميس الحديدى:يعنى هو مستثمرصغيروبيشتغل بفلوس كثيرة قوى؟ ماجد شوقى :بفلوس كتيرة قوى فالمساله كده حتى برانا وبتختص بيها هيئات رقابيه اخرى دى طبعا نتج عنها لما قفلنا حصل طبعا دربكة ودى بتكتشفلنا اشياء اخرى طبعا احنا مش مختصين بيها لكن المختصين بيها جهات رقابيه اخرى لميس الحديدى:هل كان الافضل ان هو يوقف حاله بحاله ؟ يعنى بدل ما هو الكبسة اللى على ال 29 شركة دول. هانى توفيق :كان من الاولى من الاولى انا على فكرة عايزاقول حاجة الراجل ده اللى قاعد هنا دا انا بعتقد انه احسن رئيس بورصه جه من ايام لميس الحديدى:انتم جايين تحبوا بعضيكم هنا؟ هانى توفيق:ها ها لا لالا انا بقول الكلام ده خدوا بالك انا ما بعرفش اجاملك فقط انما فيه حاجات حتى هذه اللحظة لكح جروب بتداول فى البورصه واخده بالك الشركة دى بلا هويه وبلا مقروبلا حسابات لميس الحديدى:ليه لكح جروب لسة موجودة ؟ احنا كل ما بمعمل انتر فيو مع رامى لكح يجلينا استفسارات هو راجع يعنى .. يطلع يعنى نشترى .. ماجد شوقى:هو للاسف فيه خلط فى الحته دى للمستثمر الطبيعى اللى هو مش قادر يفرق بيا اتنين لكح بتداول فى سوق خارج المقصورة انما هو لا يراقب لانه خارج حدود لميس الحديدى:صحيح خارج المقصورة تضاعف حجم التداول انت لازم تكون مراقب ده وقف حجم التدوال دا بقى 115 يا استاذ. ماجد شوقى:انا عايز اقول لحضرتك حاجة اه تضاعف حجم التداول وابتدينا نشتغل فى الشركات الحقيقه اللى فيها حجم المستثمرين ضخم جدا لميس الحديدى: يعنى 115 مليار؟ ماجد شوقى :اه لميس الحديدى: كتير. ماجد شوقى:جدا جدا لميس الحديدى: يعنى تقريبا تلت التداول الرسمى ؟ ماجد شوقى:تلت التداول لميس الحديدى:طب دا رقم ضخم جدا. ماجد شوقى : اللى بنحاول نعمله دلوقتى ان احنا بنخلى الشركات اللى فى خارج المقصورة فيه منهم اللى بيشتغلوا بحق ربنا لميس الحديدى: يمكن علشان انت حاطط جلسة خارج المقصورة فى النص فى منتصف عامل التدوال الرسمى؟ ماجد شوقى :فى منتصف عامل التداول الرسمى واحنا ان شاء الله هننقله بعد جلسة التداول لميس الحديدى:دا خبربقى ان انت هتنقل التداول خارج المقصورة بعد؟ ماجد شوقى : بس مستنينن مواقفة هيئة الرقابه عليها لميس الحديدى: كان المفروض الكلام ده من اول السنة دى؟ ماجد شوقى :من اول السنة دى الحقيقه اه لميس الحديدى: هما كانوا مشغولين بحكاية موبينيل ان شاء الله هيفضولك ويعمولك القصة؟ هانى توفيق : انا عايزة اقولك حاجة هو الحقيقه ان البورصة دى حلقة واحده فى مجموعة حلقات يعنى هو برده الراجل ده مزنوق برده فى جدار البورصه انتى عندك هيئة سوق المال عندك البورصة عندك الشركات المتداولة اسهمها فى البورصه عندك المساهمين اللى بيدخلوا بيعمولوا جيمات وبولات وكلام من ده عندك شركات السمسرة والكلام دا كله دى حلقة كبيرة البورصة هى احدى فروعها انما المنظومة كلها محتاجة الحقيقه الى تطهير لميس الحديدى: يعنى ايه تطهير ؟ هانى توفيق :تطهير يعنى انه الشركات الغير مستوفاه للشروط الطبيعيه ما تتدوالش تترمى بره الشاشه خالص متفضليش قاعدة قدامى بتزغلل حتى عينيين انا بقولك حتى المحترفين ابتدوا يخشوا يشتغلوا فى الحاجات دى النهارده نتيجة ان الحاجات دى بتكسب وهو الراجل بياسى فى اخر السنة من حملة الاسهم بتاعته انت ليه محققتش الاداء المطلوب ؟ الشركات نفسها زى ما ماجد قالك فيه بعض الشركات الشركات المتداولة اسهمها فى السوق فيها فيدر فيردينك بالهبل وبيخشوا فى الجيمات دى وبيشتغلوا فيها المساهمين او الناس المستثمرين اصبحوا اغلبهم النهارده مضاربين محدش عايز يخش يستثمر فا بيخشوا فى شركات مضللين من شركات سمسرة مغرضة او عايزة تتضلل ناس معاها الكلام دا كله عايز جهة رقابيه انا بقول حتى مجلس ادارة البورصه لان هو من اللاعبين فى البورصه ميقدرش يبقى هو بيطهر وبياذى نفسه بطريقه مباشرة او غير مباشرة فالمفروض يوكل الى مسالة التطهير لان بعد كده مهم جدا للناس دول التطوير البروبس بتاعتنا كلها بنشتغل من 20 سنة لميس الحديدى: عندك مشاكل فى الرقابه ؟ واضح ان عندك؟ ماجد شوقى : هى النقطة كلها ايه؟ فى الرقابه على التجارة عندنا لا معندناش لان بدليل بنطلع حاجات كتيرة قوى اللى بيتابع شاشة التداول بيلاقى ان احنا بنعمل تجربة عكسيه وبنلغى عمليات والكلام دا كله النقطة كلها بتيجى فى ايه ؟ الحلقة بتمشى ازاى ؟ بنعمل الحالة بنعمل اثباتتها بنعمل هيئة رقابية لميس الحديدى: ايوه يا استاذ ماجد معلش حتى تقوم بكل ذلك المتضرر فى النهاية هو المستثمر الصغير يعنى زى ما هانى بيقول يفضل الشايب يلف يفضل الشايب ويرجع مع المستثمر الصغير على ما انت تثبت قضيتك وتعمل حكايتك؟ ماجد شوقى :بس برده فيه نقطه هنا فى المستثمر الصغير اللى حضرتك بتكلمى عليه طب ما احنا بنثبت كل المعلومات دا احنا فى الفترة اللى فاتت فى ال 6 شهور اللى فاتوا نزلنا كذا اعلان مدفوع عن شركات مخالفه لميس الحديدى:اه بس انت لسة افصحت عن اسماء هذه الشركات ؟ ماجد شوقى :ازاى ؟ هانى توفيق :انا ما شفتش حد فى السجن يا ماجد ماجد شوقى :مش انا اللى بدخل السجن لميس الحديدى:لا احساس الرقابة والعقاب والمحاسبة غير موجود. ماجد شوقى :لا موجود انا هقول لحضرتك حاجة فيه نقطتين مهمين انا بالنسبلى دايما بحب احتفظ بضمور فيها اولا فى الاخر السوق سمعه اللى بيخالف مش معنى اللى بيخالف اجى اعلقه على باب البورصه ودى تبقى فضيحة للكل علشان الباقى يطلع لا ليه ؟ ما احنا بنعاقب ناس وفيه ناس قفلنا شركاتها وفيه ناس اترفدوا من شركاتها لميس الحديدى: لا لا لا الردع ولا اسماء المتلاعبين من شركات السمسرة بتطلع ولا الشركات الكبيرة عندما تخطا القضية فى النهاية ان لازم من يخطا يعاقب يعاقب بتشوية سمعته ويعاقب بالعقاب . ماجد شوقى :اه كان فيه ضررلبعض الناس لكن خلينا نتفق على حاجة تانية ان في بعض الناس اللى هما بيعتبروا نفسيهم مستثمرين فى البورصه لما جم قدمولنا شكاوى اكتشفنا ان هما مش كازبين ان هما اضحك عليهم دخلوا بفلوسهم لميس الحديدى:ايوه بس احنا مسمعناش غير عن شركة واحده اللى هى نيو برنت دى اللى هى من الشركات المتلاعبة فى البورصة بس مسمعناش بقى عن بقيت الشركات ؟ ماجد شوقى :المامورية دلوقتى بتحقق معاها لميس الحديدى:ايه نتائج التحقيقات ؟ ماجد شوقى :لا مبتوصلنيش انا لميس الحديدى:امال بتوصل لمين ؟ ماجد شوقى :بعد كده يا اما بيجى يقولى اقفل الشركة دى يا اوقف تعامل الشركة دى يا اوقف اكواد الناس هانى توفيق : وبعدين فى حاجات اخرى على فكرة يعنى بره الانحرافات والحاجات دى كلها فيه تباطؤ شديد جدا فيه شركة للمقاولات على ما انا فاكر بتدفع 25% من اسهمها 3 تشهر دلوقتى الناس مزنوقه جوا 3 تشهر لا خدوا اسهم زياده ولا خدوا حاجة ففى قرارات الجمعيات العموميه بتاخدها وبتاخد فور ريفير ودا احد اسباب انخفاض التداول يمكن ان ناس كتيرة قوى مزنوقة فى اسهم كتابات اسهم كتابات ماجد شوقى :هى اسهم الكتابات دى الحقيقه يمكن ليها دعوه بمحاضر الجمعيات بالذات فى الحاله دى الهيئات الادارية اللى بتشرف على محاضر الجمعيات معتمدتش دى كارثه كارثه فى حالة عدم الاعتماد دى فيها شهر زياده يعنى اللى حاطط فلوس فى الاكتتاب وعمل محضر جمعية عموميه دا بيتعطل دى فيها شهر او شهرين على الاقل لان المده القانونيه شهر لانه لو خالف بعد كده يوقع عليه عقوبات وبتتوقف الشركة ولكن لما الهيئة ما بتعتمدش محضر الجمعية فيه مخالفه او ما بتعتمدش احد بنوده اللى انا بتكلم عليه فى الاستثمار مش هيئة الرقابة الماليه دى فيها شهر على الاقل لميس الحديدى:كل دا تباطؤ هانى بتصنح بى ايه المستثمر ؟ اولا اكيد معانا تليفوانات كتيرة جدا الناس هتسال اسئلة كتيرة لكن انا عايزه اولا كيف تنظر لسوق 2010 ؟ هانى توفيق :لا انظرله نظرة مش متفائله اذا كنا بنتكلم على حجم تداول فانتى مربوطة بالاسواق اللى بره الاسواق اللى بره جريت جريتها خلاض وفيه يعنى تفاؤل مشوب بالحظر الشديد فى اسواق امريكا طل ما رقم البطاله هناك 10% او اكثر من 10 % بشوية وفيه مشكلة ارقام طالعه فى امريكا السنة الجايه امريكا ابتدت المشكلة فيها ولازم يبتدى العلاج منها فالى ان تحل المشاكل اللى بره احنا عندنا هنا مفيش اى تطوير الاكتر من كده كمان انا بشتغل بنفس الادوات اللى انا بقولك ان لو كنا عايزين نبتدى نطور نعمل حجم سوق اضافى جديد الشورت فييل دا كان لازم يبتدى هو يوم ما ابتدى الفييل فيردينك اللى هو يشترى اول النهار ويبيع فى الاخر كان لابد فى نفس اللحظة قرار انك تبيع الصبح وانت مش عندك وتشترى اخر النهار يعنى بتبيعى ما لا تملكى دا بيضاعف حجم السوق على طول يعنى النهارده السوق كله بيوقع محدش بيحط فلوس لانه مستنى لما لميس الحديدى: طب لما هيئة المال اصبحت داخل هيئة الرقابة الماليه العلاقة بقت اسهل ولا اصعب ؟ ماجد شوقى :انا بالنسبالى اسهل بس دى علشان لميس الحديدى:انت شاهدتك مجروحة دلوقتى بس علشان ابقى واضحة الاستاذ ماجد شاهدته مجروحة. ماجد شوقى :عمرها ما كانت صعبة ما بينا وبين هيئة سوق المال لميس الحديدى:ايوه بس كان لافيه علاقة دايركت في علاقة مباشرة دلوقتى هيئة سوق المال داخل هيئة الرقابة المالية فالموضوع بقى بيروقراطى اكتر؟ ماجد شوقى :انا كبورصة مش حاسين بالقصة دى لغاية دلوقتى لميس الحديدى:لا بس قرارخارج المقصورة متاخر يعنى كان المفروض يصدر بداية هذا العام وما صدرش ودا واضح ان قرار مهم جدا ان انا اخرقرارتداول خارج المقصورة بعد الوقت ؟ ماجد شوقى :يعنى انا مقدرش الحقيقه الوم الهيئة فى حاجة زى كده لكن فى الحاجات الجوهرية قرارات الشطب الشركات الغير ملتزمة ال 29 شركة موضوع ال 5 مليون اللى بيخشوا لشركات السمسرة كان اتلكلام دا كله كان فيه تنسيق ما بينا وبين بعض وكنا متفاهمين جدا فيها دى الاهم بصراحة لميس الحديدى:2009 اسوا الحاجات اللى اثرت على البورصة المصريه ؟ هشام طلعت مصطفى حكم الاعدام ولا دبى ولا ايه؟ هانى توفيق :2009 الازمة العالمية طبعا لميس الحديدى: بس دا كان فى بداية 2009 على يونيو الدنيا اتحسنت. هانى توفيق :بالظبط كده عندك القرارات الاقتصاديه ودى حتى دى كانت من سنة قبليها لكن انا عايز اشير اليها تانى علشان القرارات العنتريه اللى بيخدوها الوزراء او الحكومة فى بعض الاحيان قرارات مايو اللى هى خاصة بتطبيق ضرايب على شركات كنت معفيه من الضرايب ودا كان قرار عنترى ودا التفاؤل كله والثقه يعنى ضيعها خالص انما طبعا اذا كنتى بتكلمى على ازمة دبى دى ازمة دبى كانت من اكثر الحاجات اللى حصلت لميس الحديدى:طب ليه اتاثرنا بازمة دبى اكتر من سوق الامارات نفسه؟ ماجد شوقى :هو 8% وردينا على طول هما فضلوا نازلين بعديها بشوية لميس الحديدى:ايوه بس حجم المستثمرالعربى فى البورصة المصرية مش كبير. هانى توفيق :لا هوخدى بالك احنا بنعامل معاملة الامريجن ماركت كلنا فبيقولك انتم ارقامكم ما بتعلنشى ومخبيين حاجات وفيه قنابل بتطلع فجاه بدون اى اعداد وبدون اى تمهيد المصرين طبعا كالعاده نجرى على طول نبيع مع السوق اللى بيبيع بره وكلنا بنبيع فبيبقى فيه تانك اللى بيبقى شاطر هو اللى بيخش ينتهز الفرصة لميس الحديدى:احنا كنا محتاجين رسالة تطمين من البورصة المصرية ماجد شوقى :قبل التداول ما يبتدى كان فى برنامج صباح الخير يا مصركنت موجود وووضحت الاموربس الخضة خضة زى ما بنقول وكان لازم هيحصل هبوط كان لازم هيحصل هبوط كونوا انه وصل لى 8% طبعا دا كان غير متوقع لكن بالحسبة اللى احنا عملناها لانه الشركات اللى باعت بتاعتنا يوم الجمعه كانت نازلة بحوالى 5% لما جينا حسبنا الحسبه وقولنا الجلسة دى هتفتح على هبوط حوالى من 5 لى 6 % فيهم 1 % زياد فى العامل النفسى هنقول 7% فاحنا وصلنا تقريبا لنفس الرقم اللى كنا متوقعينه لميس الحديدى:قدرت شركة طلعت مصطفى ان هى تعدى الازمة بتاعة الحكم باعدام رئيسها هشام و لا لسة ؟ ماجد شوقى :هوطلعت مصطفى راجل يعنى هو شركة اراضى وعقارات والايفكت فيها مش زى شركة سياحة او شركة اخبار او معلومات او حاجة فكان اثرها قليل قوى رجعت تانى زى ما كانت زيها زى بقيت الشركات الريت ستيد اللى موجودة لميس الحديدى: عايزاك تفكرفيما قد يؤثرعلى 2010 بس ابتدى اخد تليفوانت المشاهدين محمد من اسكندريه اتفضل يا محمد ؟ محمد:الو مساء الخيريا فندم لميس الحديدى: مساء النور محمد:المؤشر بيعاد تقييمه كل 3 شهور شركات بتخرج منه وشركات بتخش فيه فالبتالى المؤشر ده بشكله الحالى مش هو الموجود فى اخر 2008 ولا فى اول 2009 بكل مكوناته بعض شركات المؤشر ده بدون ذكر اسماء البورصة نفسها اوقفتها فى فترة من الفترات للتلاعب ورجعت دخلتها المؤشر يعنى المؤشر الى احنا بنظن ان شركاته كلها مبنيه على دييل قوى المستثمر بيخش وهو عارف ان شركته مقيمة تقييم جيد لميس الحديدى: ماشى عندك سؤال تانى ولا هو ده ؟ محمد:السؤال التانى بقى معلش هقوله اى تكيتك يعنى مبتدا حتى بيلاحظ انه قبل الهبوط الهبوط دا بيبقى متوقع على فكرة قبل الهبوط بنلاقى طرح الشركات بتبتدى تطرح اسهمها كتابات كتيرة بتبتدى تحصل طبعا الكلام دا برده محتاج ان الناس تبقى واعيه له يعنى ازاى احنا شركة بتبتدى تطرح اسهمها قبل الهبوط مباشرتا باسعار وبعد كده بتقل العشر وبتقل 1 على 15 بالقيمة اللى طرحت بيها لميس الحديدى: يعنى خلينى ابقى واضحة انت بتتكلم على طرح القلعة مثلا؟ محمد:لا لا انا بتكلم على الطروحات اللى تمت فى 2007 فى اول 2007 وفى اخر 2006 لميس الحديدى: اوكيه شكرا يا محمد نقطتك وضحت مين معايا سامى من اسكندريه اتفضل ياسامى؟ سامى: ايوه انا عايزك تسالى الاستاذ ماجد شوقى ال60 شركة اللى هما هيتشطبوا شطب اجبارى من البورصة من جدول ا تمام وهيخرجوا هما خرجوا حاليا من سوق الاوامر او خارج المقصورة لمده اسبوعين بعد كده هيخرجوا لسوق الصفقات طب دلوقتى الشركات دى احنا شاكرين ان هو يصحى الصبح فى اول يوم تداول جامد جدا من ان هى ادت للشركات دى فترة واتنين ومدت المهله علشان يوفقوا اوضاعهم بخصوص الشفافية والافصاح طب فين قرارات البورصه علشان تحمى صغار المستثمرين اللى موجودين فى الشركات دى يعنى شركة مثلا دلتا الصناعيه ايديال شركة زى الوطنية للزجاج والبلور فيه صغار مستثمرين او فيه فلوس مطروحه فى السوق المستثمرين شاريين الاسهم بيها ازاى نقدر نحمى صغار المستثمرين ان هو يصحى الصبح فى اول يوم تداول فى السنة الجديده يلاقى ان شركته خرجت خلاص بره المقصورة وخلاص يعنى هيبيع ولا مش هيبيع لميس الحديدى: نقطتك واضحة يا سامى عصام من الجيزة معلش علشان ناخد التليفونات اكتر عصام من الجيزة عصام :السلامو عليكم لميس الحديدى: وعليكم السلام عصام :حضرتك استاذ ماجد شوقى فى احدى القنوات الفضائيه كان بيحذرنا من خارج المقصورة لانه مالوش ضمانات مالوش صندوق مخاطر ومالوش شغل جوا المقصورة يعنى فيه كذا سهم جوا المقصورة نصحى الصبح نلاقى جوا المقصورة زى ما هو واداله مهله 6 اشهر وقالك اللى هو اتشطب اسبوعين ويسيب خارج المقصورة واللى هو جوا المقصورة اللى هو كانه بيقوللنا اشتروا فيهم يروح صالة الصفقات وخارج المقصورة يبقى زى ما هو لميس الحديدى: ماشى شكرا يا عصام صبرى من حلوان اتفضل يا صبرى صبرى: سلامو عليكم لميس الحديدى: وعليكم السلام صبرى: انا بمسى على حضرتك يا استاذة لميس لميس الحديدى: مساء الفل صبرى: انا كنت عايز بس اقول للدكتور ماجد شوقى والدكتور هانى سهم مدينة الانتاج الاعلامى خرب بيتنا من 70 جنيه يوصل لى 2 جنيه والدكتور ماجد شوقى مش بيتعامل مع الشركة حتى وزير الاعلام مفيش اى جديد بعت للاستاذ السيد جمال مبارك والرئيس مبارك مدينة الانتاج الاعلامى خربت بيتنا لميس الحديدى: ماشى ماشى وجهة نظرك سليمة بس لا جمال مبارك ولا وزير الاعلام لو علاقة بسهم مدينة الانتاج الاعلامى بس المسئولين عن مدينة الانتاج الاعلامى هما اللى ماسكين السةم ده او الشركة دى وهو ده الاداء اللى بيقيم يعنى هقف هنا التليفونات يعنى نجاوب يعنى ونواصل هذه الاتصالات نتبتدى بقى بسهم الانتاج الاعلامى علشان ميقولوش انى انا خايفة ولا حاجة ماجدشوقى :سهم الانتاج الاعلامى كان ب 70 جنيه دا زمان جدا فى التسعينات دا نا لسة كنت راجع من بره يعنى بيتكلم على حاجة انا ماليش ذنب فيها وماليش دعوه بيها لميس الحديدى: ايه وجودها فى البورصه يعنى ؟ مجاملة بصراحة يعنى ؟ ماجد شوقى :لا دى ملتزمة جدا بالافصاح لميس الحديدى:ملتزمة بالافصاح؟ ماجد شوقى :لاملتزمة اه جت سنة كانت عليها سنة صعبه جدا وقفناها كذا مرة لميس الحديدى:القوائم بتتاخر؟ ماجد شوقى :لاما بتتاخرش لميس الحديدى:لاانا فى السوق وعارفة. ماجد شوقى :استاذة لميس محدش يقدر ياخر القوائم لسبب واحد لانه فيه عداد بيعد ب 1000جنيه فى اليوم طبقا للقانون الناس اتقرصت لمدة سنة ناس عليها ملايين ورفعوا قضية النهارده كله ملتزم فى القوائم الماليه ميقدرش يتاخر لميس الحديدى:هنسمع بصراحه سهم مدينة الانتاج ؟ هانى توفيق :سهم مدينة الانتاج الاعلامى احد الامثله الواضحة الصارخة لفشل الحكومة فى انها تنزل قطاع خاص اذا اردت ان تملك قطاع خاص فيه حضرتك 70 % ، 80 % بيشتغل قطاع خاص لميس الحديدى: هو ليه السةم دا فى البورصه اساسا ؟ هانى توفيق :انقلها اقدر اطلع منها شركة عقاريه تانيه والشركة دى ممكن يعاد هيكلتها بطريقة تطلع بيها رقم للسةم متناسب مع قيمتها انما تعملى استديوهات تعملى بتاع ومفيش اداء ومفيش خطة زمنية مستقبليه الناس تقدر تقييم عليها يبقى السةم ده ميساواش حاجة لميس الحديدى:السةم دا لازم يخرج بره البورصه ؟ هانى توفيق : مش يخرج بره البورصة السةم دا لازم يعاد تقييمه بواسطة محترفين ويشوفا الشركة دى تسوى كام فعلا لكن ما ينفعش تبقى مملوكة لحكومة وبرده عايز تخصص وفى نفس الوقت تفضل كبير لميس الحديدى:صبرى انا رديتك عليك ردا شافيا وافيا لاخفت من وزير الاعلام ولا من الاستاذ جمال ولا اى حد السؤال التانى ؟ ماجد شوقى :نتبتدى بالايجى اكس انه بيتغير كل 6 شهور لا هو بيتغير كل 6 شهور ومكونات المؤشر بتتغير فى شهر يناير ويوليو ودا ممارسه عامة موجودة فى كل حته فى العالم ودا الطبيعى جدا طبقا للاعراف العالميه اما شركة اتوقع عليها انا عارف هو بيتكلم على اى شركة وبدون ذكر اسماء الشركة دى اتوقف عليها التداول لانها اتاخرت انها تفصح عن قرار معين فى جمعية معينه الشركة دى ليها شركات فى دول اخرى فى اوروربا وافريقيا والوطن العربى عشان تجمع دا كله تجمع جمعية عمومية وتعتمدها وتترجمها للغه عربيه بتاخد وقت احنا ما بنخدش دا فى الاعتبار احنا بنوقف التداول لميس الحديدى:قبل بس ما نكمل لغز القلعه ؟ هانى توفيق :القلعه برده الحقيقه التايمنج بتاع النزول بتاعها كان غلط واضح ان الاداره كان عليها ضغوط جامده جدا من المساهمين القدام اللى بقالهم فترة مساهمين فيها لميس الحديدى:يعنى احنا بنتكلم على شركة القلعه شركة استثماريه كبيرة كان السةم اعتقد نزل بكام ؟ هانى توفيق :يعنى اول تداول نزل عليه 13 وبعدين 14 النهارده 8 ونص هى الفكرة انه بعض الناس كان مشترينه ب 5 جنيه فكانه بسرعه جدا بيبيعوا عند اى زياده فى السعر هيحققوا ارباح نزل فى وقت غلط دبى جت فى وقت غلط بالنسبالها اعتقادى برد انه الاصلاح بتاعها ماكنش يعنى ما كنش فى الجورنال بينزل الميزنيات الغير مجمعه ومش محققه ارباح جامده لميس الحديدى:طيب نتابع بقى الاسئلة الاخرى . ماجد شوقى :انا هجمع سؤالين مع بعض الخاصين بشطب الشركات لانهم خارج المقصورة احنا عندنا تقريبا 330 شركة مقيده فى البورصة المصريه 100 كانه بالفعل متوافقين مع توفيق الاوضاع 150 تقريبا او 130 او 129 عملوا اجراءات توفيق الاوضاع كانه كويسين كان فاضل 100 ال100 وضعهم كالاتى 60 منهم كان معظمه تقريبا مش قادر يوفق اوضاعه لاسباب اوانا هقولها دلوقتى لكن من ال40 قال انا عايز ا‘مل شطب اختيارى لانى انا شايف وجودى فى البورصه فى المرحله دى مالوهوش تواجد والشطب الاختيارى دا بيحمى المستثمر معندناش مشكلة فيه نيجى فى ال 60 ال 60 ، 47شركة مغلقة عدد المساهمين فيها لا يزيد عن 7 ، 8 مساهمين فالبتالى ان هما يعملوا جمعيه عمومية وشطب اختيارى بالنسبالهم لا تفيد ولا تجدى باى شىء فالبتالى ال 48 راحو من السوق الرسمى اللى هو داخل المقصورة الى سوق بيسموه سوق الصفقات لميس الحديدى:فيه منهم شركات حكوميه على ما اعتقد ؟ ماجد شوقى :اه فيهم شركات حكوميه يعنى المعامله كله بالمثل نيجى بقى فى سوق الاوامر الالى دخل فيه 14 شركة قصة ال 14 شركة ليه دخلناهم سوق الاوامر ؟ اولا بالاسامى اعلنا لمدة 6 شهور ان الشركات دى مش قادرة توفق اوضاعها ونزلنا الجوابات على شاشات التداول علشان حتى لو المساهمين يقدروا يضغطوا على الشركة انها ودا حصل المستثمرين ضغطوا بالرغم انهم اقليه ضغطوا على الشركات ان هما يستمروا فى توفيق الاوضاع مقدروش يوفقوا اوضاعهم لان فيه شركات خسرانه فيه شركات راس المال متهالك تماما وبالتالى ال 14 دول ادينالهم مهله اسبوعين طبقا للقواعد للتدوال خارج المقصورة وبعدين كده هيخرجوا بره خارج المقصورة لميس الحديدى: هاخد اخر تليفونين وتحضرلى خبر اختم بيه البرنامج احمد من اسكندريه اتفضل يا احمد احمد:سلامو عليكم لميس الحديدى:وعليكم السلام احمد:والله انا كنت عايز اتكلم بس اعلان استاذ ماجد عن قرارات سريعه بدون مسبقات بوقف الشركات مرة واحده كده لميس الحديدى: فكرة المفاجاه يعنى نعم السؤال التانى ؟ احمد:السؤال التانى مين كان يتوقع ان شركة زى النيل للكبريت تخرج خارج المقصورة بدون اى مسبقات ؟ لميس الحديدى: طيب وما يتعلق بالاستاذ هانى ؟ احمد:ما يتعلق بالاستاذ هانى امتى هيبص للسوق نظرة تفاؤليه طول عمرة من اواخر 2005 بيقول السوق فى انهيار السوق رايح لنقطة سوده والاقتصاد المصرى يا استاذ هانى اتقى الله فينا وفيه المستثمرين لميس الحديدى:طيب حسين كفر الشيخ اتفضل يا حسين حسين :سلامو عليكم لميس الحديدى:وعليكم السلام ,سؤالى لاسٍتاذ ماجد شوقى المحترم اليكوم انا مكتتب فيها حضرك والعربيه للاستثمار اللى هى اى بى اخبارهم ايه بصراحة وكل سنة وانت طيب واحنا بنحبك والله يعنى لميس الحديدى:احنا بنحبك ماشى يا حسين معانا حد تانى ولا نجاوب ؟ طيب انا بعتذر عن كل التليفونات علشان وقت البرنامج استاذ ماجد ماجد شوقى :بالنسبه للاعلان المفاجىء للقراردا كان لميس الحديدى:هو قرار العبورعارف ازاى اللى هو ايه يعنى الساعه الثانيه ماجد شوقى :كان القانون يعنى متعمد انه يعلن مفاجاه علشان احنا لما بندى اشارة باى شىء او تحركات بنلاقى على طول الجيما او البوله بتتلم ما بنعرفش لميس الحديدى: انت حتى ما اتكلمتش مع مجلس الادارة. ماجد شوقى :لا ما يعرفوش المفروض دا قرار رقابى بحت من اختصاص رئيس البورصه دى حاجة الجزء الخاص بالنيل للكبريت انا طبعا ما بحبش اذكر شركة بعينها النيل بقالها سنتين طبقا للقواعد اللى هى بنسمحلها انها تحقق خسائر وانها تستمر فى القيد النيل الكبريت كحاله ولو حضرتك متابع الافصاحات الربع سنويه انه مش بس هى بتحقق الخساير ولكن حقوق المساهمين بتقل دا معاناه انه الكيان المالى بتاع الشركة تقريبا شبه منهار وهما مش قادرين حتى يرفعوا ده وبالتالى احنا عملنا كل الاصلاحات الممكنه علشان نبين للناس ان المساله دى مش متوافقه مع الاوضاع ومش كميزانيه واضحة قدام الناس كلها بالبنسبه لى اليكوم انا افضل انه الاستاذ هانى هو اللى يتكلم هانى توفيق :هو بالنسبه لى اليوم ما يتفق عليه يتفق على كل الشركات اللى هى المفروض انها يا تفصح يا تطلع بره خالص مينفعش تفضل ماشيه بنفس الطريقه مفيش افصاح مفيش ميزانيات مفيش حاجة نقدر نعتمد عليها لميس الحديدى: متى تتقى الله بقى وتقول؟ هانى توفيق :انا عايز اقوله حاجة واحده لما الاقى ان السوق طلع 12 الف وبعدين نزل 3500 وانا كنت بحذر من هذا الكلام معناه ان انا كان عندى رؤيه مهياش مش مساله تفاؤل وتشاؤم انا مش عمال عمال اقول لكل الناس انزلوا لكن لما بلاقى السوق اتنفق اكتر من اللازم بقولهم وبحذر وبحذر الناس اساسا اللى هو واحد منهم انا عايز اقوله حاجة تانيه تدل على تفاؤلى ان انا بعمل 3 ، 4 شركات دلوقتى اكتتاب عام ونازلين فى البورصه طرح اولى لميس الحديدى:ما هودا معاناه ان انت متفائل . هانى توفيق :معاناه انى انا متفائل فى قطاعات معينه لسة متعملش فيها حاجة فبعمل كذا شركة داخلين فى هذا لفانا متفائل اكتر من اى حد تانى لميس الحديدى: طب توقعاتك ل 2010 ؟ هانى توفيق :توقعاتى ل 2010 مربوطه جدا بتوقعات العالم الخارجى لانه اذا ماكنش فيه رؤية تفاؤليه بشان الاقتصادات اللى بره يعنى انا يهمنى الفلوس اللى جايه من بره بقولك علشان متبقاش الفلوس بتاعتنا احنا بتلم دايما كان فيه فلوس داخله فبنشتغل فى 2 مليار جنيه فى اليوم لما نزلوا النهارده ل 500 يبقى فيه دروب 75 % محتاجين نشوف فلوس تانى داخله جديده لميس الحديدى: وسيولة من جوا ايه لقطاعات اللى هى هتقود المرحلة ؟ هانى توفيق :انا اعتقادى قطاعات الاسكان والعقارات بسرعه جدا لان الدروب اللى حصل فى اسهم الاسكان كلها نزل 75% فى حين اسعار الاراضى منزلتش ل 75% لميس الحديدى: ولا العقارات؟ هانى توفيق :اول كوركشن يحصل هيحصل فيه او اسعار العقارات يعنى العقارات والاراضى تقريبا فاضله زى ما هى او نزلت 10% فاول ما يحصل تانى ريكفرى ويبقى فيه نمو فى الاقتصاد القومى اول حاجة هتنمو اسهم الاسكان لميس الحديدى: هسالك سوق خارج المقصورة مرة تانيه ماذا سيحدث ؟ ماجد شوقى :سوق بره المقصورة توجه البورصه ومجلس ادارته انه يبقى بعد الجلسة وان مدة التسويه فيها لمدة 6 تيام علشان الناس ننمنع المضاربه فيه وانا فى انتظار الاعتماد لميس الحديدى:يعنى التسوية خلال 6 تيام والتنفيذ ؟ ماجد شوقى :والتنفيذ بعد فترات الجلسة الرسمية للتداول لميس الحديدى: بعد فترات الجلسة الرسمية ؟ ماجد شوقى :اه بالظبط كده دا المشروع المقترح ومتقدم للهيئة الرقابية لميس الحديدى:متوقع يصدر هذا القرار امتى ؟ ماجد شوقى :اتمنى ان يكون دا فى اسرع وقت ممكن لميس الحديدى: هل فيه ادوات جديده نازله ؟ ماجد شوقى :الشورت سايلنج المفروض انه قرب مع اننا ملناش دور فيه قوى لكن احنا من اهم الناس اللى مهتمين بالقصة دى والمفروض حسب ما انا فهمت من الهيئة الرقابية قربت جدا انها تعتمد هذا الموضوع لميس الحديدى:وبورصة العقود ؟ ماجد شوقى :وبورصة العقود احنا ماشين فيها بخطى ثابته ولكن لميس الحديدى: الصناديق بقالها سنة يعنى؟ ماجد شوقى :الصناديق فيها حظا يىء بصراحة لازم نعترف بكده الصندوق اللى كان هيتعمل وكا هيبتدى بيه الاكتتاب يعنى الراجل خلص واسسنا الصندوق وحملنا نظام البروموشن بتاعة والترويج حصلت الازمة الماليه العالمية انهارالسوق ما كنش حد راضى يبص فى اى كلام عن مؤشرات ولا اسهم ولااستثمارات جديده فى اى منطقه لغاية ما يشوف الدنيا ماشيه ازاى لميس الحديدى:يعنى اولوياتك ايه؟ ماجد شوقى :سوق السندات ان شاء الله السنادى الاصدار نشط جدا من ناحية الحكومة لكن السوق السندات ضعيف احنا بنحاول ان احنا ننشط سوق التدوال دى حاجة اما بالنسبه لى سوق العقود والعقود الاجله احنا كنا قلنا او صرحنا انه يبقى اخر 2010 بداية وبداية 2011 واحنا ملتزمين السنة دى باذن الله لميس الحديدى:يعنى سنة كمان؟ ماجد شوقى :يدوبك يا جماعه دا سوق جديد لميس الحديدى:انت قاعد معانا لحد 2010 واول 2011 ؟ كصديق اهلا بيك انا بسالك كرئيس بورصه يعنى ؟ ماجد شوقى :القرار 4 سنين الا لو اقالونى قبلها يعنى لميس الحديدى:وبورصة النيل فاضل هى فيها كام شركة؟ ماجد شوقى :7 شركات وفيه طرح منهم جاى قريب باذن الله لميس الحديدى:استاذ هانى كلمة علشان لازم اخرج؟ هانى توفيق :ما انا لازم اقول متفائل لميس الحديدى:طيب اشكركم نتمنى فى 2010 البورصة تشهد يعنى تحسن فى الاوضاع كل دا طبعا معتمد على الاقتصاد المصرى هل سيخرج الاقتصاد المصرى من عثرته هل هنشوف اكتر من 4ونص % نسبه نمو دا سؤال هنشوفه بعد كده واشكركم وهذه لميس الحديدى تحييكم وتصيحوا على خير .