نشطاء يسخرون من سوء خدمات الإنترنت..عمرو: الواي فاي في اليابان بسلة النفايات!.. أحمد: "كده كملت لا نت ولا كهربة ولا مياه ولا فلوس".. علي: رستر الجهاز ولو المشكلة ما تحلتش انتظرنا 5 أيام

دشن نشطاء مواقع التواصل الاجتماعي هاشتاجا ساخرا بعنوان "الحفلة على شركات النت"؛ بسبب الخدمات السيئة التي تقدمها الشركات رغم ارتفاع أسعارها مقارنة بدول العالم، وطالبوا من خلاله الشركات التي تقدم الخدمة بتحسينها.
محمد فكري: "الحفلة على شركات النت حصريا في مصر، أنت بتعرف قيمة الحاجة اللي بتنزلها من الوقت اللي بتاخده".
محمد طارق: "أنتوا أسرع شبكة إنترنت في مصر!.. آه.. ما بيقولك لأ أهو.. أمال في أيه؟..الحفلة على شركات النت".
عمرو رزق: "الحفلة على شركات النت اليابان بدأت ب تشغيل واي فاي مفتوح عبر سلة النفايات!!، هم عندهم الزبالة نت وإحنا عندنا النت زبالة!".
دكتور ربيع: "الحفلة على شركات النت دي بقى شركة بوبوس للإنترنت، وده أول صرح من نوعه في الشرق الأوسط، يا محمد كام سوتش كده هالفهم ويروحوا عند الباشا البيت".
أحمد سمير عرابي: "يعني ولا نت ولا كهربة ولا مياه، الله يخرب بيتنا إحنا يا شيخ.. الحفلة على شركات النت".
ندى منتصر: "الحفلة على شركات النت هو في نور.. عشان يبقي فيه نت".
محمد ماهر: "الحفلة على شركات النت الأول نعمل على الكهرباء وبعدين نعمل على النت".
عمرو علي: "اتصل بخدمة العملاء عشان يحل مشكلة يقولي رستر الروتر، ولو لسه المشكلة موجودة هنرد عليك بعد 5 أيام!!!.. الحفلة على شركات النت".
أم عبودة: "الحفلة على شركات النت هوا ليه كل حاجة في البلد كده خربانة؟!".
تيمو فودا: "الحفلة على شركات النت يا ناس، أنا اتخنقت من موضوع شركات النت ده".
هاني فؤاد: "الحفلة على شركات النت من الآخر ارحل يا سيسي ولا أنتم خايفين منه، كل ده علشان يغطي على اللي بيحصل في البلد، تويتر منور بأهله اليومين دوول ههههه".
زينب لمبة القهوة: "الحفلة على شركات النت تكلمني عن الذل أقول لك لما أكون عايزة أتفرج على ماتش لايف واضطر أشغله جودة ضعيفة مبكونش شايفة الكورة أصلا".
شيمو مشمشة: "الحفلة على شركات النت مفيش كهربا،، مفيش مياه،، مفيش فلوس،، مفيش نت".
a7maahh: "الحفلة على شركات النت النت فاصل.. ركز معايا يا فندم وقولي لمبة أيه اللي منورة قدامك.. لمبة المطبخ".
نورهان محمد: "الحفلة على شركات النت، النت سريع وبيحمل 4 أفلام في دقيقة ومبيفصلش ونت مصر أحسن نت في العالم!، وشركات النت زي الفل!".