ثورة الإنترنت تجمع استمارت "تمرد" على شركات الاتصالات.. والنشطاء: يسقط يسقط حكم الراوتر.. "محملين"

نشطاء: الإخوان هيسرقوا الثورة وياخدوا الخطوط الجديدة ويسيبوا سرعتنا زى ما هي..وحركة 7 جيجا تعلن عن وقفة الآن في ميدان طلعت هارد

"علشان المصري مبيضحكش عليه، بيضحكوا عليه بسرعات وأسعار انتهت من زمان في دول أقل مننا بكثير"، من هنا انطلقت ثورة الإنترنت على صفحة بموقع التواصل الاجتماعي ضمت في وقت قصير أكثر من 70 ألف مشترك، لتتحول إلى ثورة حقيقة على "الفيس بوك".
الصفحة بدأت في جمع ما يشبه التوقيعات، حيث دعت الصفحة من خلال استمارة على صفحتها إلى "التمرد على الإنترنت" بطبع 5 بطاقات عنوانها "ثورة الإنترنت"، وطلبت من النشطاء توزيعها على أصدقائهم، ثم تصوير وطبع الورقة على الحوائط في كل مكان، وإرسال الصور على الصفحة لنشرها، في حراك شعبي جديد لثوار "الفيس بوك" ضد شركات الاتصالات والإنترنت.
"علي في سعر النت وعلي .. بكره الثورة تشيل ما تخلي"، هكذا بدأ النقاش يحتدم بين النشطاء على "الفيس بوك"، وسط إسقاطات سياسية، وقفشات ساخرة، فعلى هاشتاج ثورة الإنترنت أعلن الثوار مطالبهم: "تقليل الأسعار، زيادة سرعة الإنترنت زي باقي الدول العربية والأوربية وكروت لمشاهدة القنوات المشفرة، ومكالمات مجانية زي أي دولة عربية ما بتعمل، ودي أبسط حقوقنا زي ما احنا بندفعلكم فلوس تدونا خدمة كويسة احنا مش بنشحت منكم، ولو المطالب اللي طلبناها دي مطلعش بيها بيان على الصفحة، إنهم هيحسنوا الخدمة ويزودوا السرعة ويقللوا الفلوس في خلال أيام يتحملوا اللي هيحصل، وهنفضل مستمرين ورا حقوقنا اللي خدتوها مننا".
وتوالت التعليقات الساخرة على الهاشتاج، والتي ربطت بين الواقع السياسي ومعاناة مستخدمي الإنترنت، ومنها "الجمعة الجاية جمعة رفع السرعة والشريعة "، و"ياللى ساكت ساكت لية نتك فاصل ولّا إيه"، "البرادعي مش هناخد سرعات قليلة تانى يا منى"، و"يسقط يسقط حكم الراوتر.. يسقط كل سلوك الراوتر"، وإسقاط آخر " 512 يا معفنين"، و "عاجل: حركة 7 جيجا تعلن عن وقفة الآن في ميدان طلعت هارد و شارع محمد ابلود وتحالف دعم الميجا يدعو الى الاعتصام في ميدان جوجل"، و"اكتب على حيطة الزنزانة قفل الراوتر عار وخيانة"، وكتبوا في تعليقاتهم أيضا: " شركات النت: أما القبول بسرعة 512 أوالفوضى، وحركة 6 ميجا ترد : مستمرون فى الاعتصام بميدان التحميل وشارع محمد أبلود"، وآخيرا "مش ناسيين التحميل يا ولاد الوزة"، و"عيش حرية 8 ميجا هدية".
وربطت صفحة كلنا جابر جيكا بين ثورة الإنترنت والإخوان، في تعليقها" عندما تنجح ثورة اإانترنت (الإخوان) هيسرقوها، و ياخدوا الخطوط الجديدة كلها ويسيبوا سرعتنا زى ما هي، و يقولوا احنا اللى دعينا ليها، ويقولوا احنا كنا شغالين Dial up بقالنا 80 سنة، والناس هتخرج تقول ل (السيسي) رستر الروتر،