نيللي كريم: «مقفلتش من الجواز.. أنا بدور على الهدوء»

قالت الفنانة نيللي كريم، إنها لم تغلق باب الزواج من أحد خاصة بعد فشلها في ذلك مرتين، ولكنها في الوقت ذاته لا تنتظره، مضيفةً: «أنا ببص للزواج على أنه مش هيصيبك إلا نصيبك، وببص لهذه العلاقات بشكل أهدى بكثير من ذي قبل، وشايفة الجواز إما يكون بين اتنين مبسوطين ومتفاهمين وعاوزين فعلاً ده، يا إما بلاها العلاقة، أنا ضد الناس اللي بتقول عشان خاطر الولاد ويدوروا على حجج لحياة فاشله».
وأضافت كريم خلال لقائها مع برنامج «شباب توك»، والمذاع عبر فضائية «Dw العربية»: «الصدق والراحة النفسية كلها حاجات مهمة وحلوة لاستمرار العلاقة، ومع انعدام الثقة تختفي السعادة من الحياة».
وتابعت: «مقفلتش من الجواز بس جه جه، مجاش مجاش، أنا معنديش 16 سنة علشان لازم أجوز، أنا كل اللي بدور عليه هو الهدوء، أكون أنا مبسوطة بيه».