بالفيديو.. أحمد موسى ينهي مداخلة مرشحة ل«النور» بعد مشادة معها

أنهى الإعلامي أحمد موسى، اليوم الإثنين، مداخلة هاتفية لمرشحة في انتخابات مجلس النواب على قوائم حزب النور، سوزان سمير، بعد مشادة كلامية بينهما، وذلك خلال تقديمه برنامجه «على مسئوليتي»، عبر فضائية «صدى البلد».
وتلقى موسى المداخلة، في البداية، بابتسامة عريضة، وطالب المرشحة بخفض صوت التلفاز لكي يسمعها جيدًا، فوافقته، وقالت: «أولًا صلي على اللي يشفع فيك، وبهدوء كده عشان الحوار يبقى فيه فائدة، ولا يكون للشهرة، وأنا رفضت حضوري معاك عشان أنا مش عايزة أشوف إعلامي ولا أسعى للشهرة».
وعلق موسى: «رفضتي إمتى يا فندم»، فأجابته: «هقولك رفضت امتى وممكن دلوقتي أقفل السكة وأرفض برده»، من جانبه قال موسى: «في رعاية الله، اقفلي السكة، أنا مش عايز اتكلم معاكي، شكرًا جزيلًا، مع السلامة»، وقام بغلق الهاتف.
وتابع: «ولا حد كلمك، ولا دعيتك أصلًا إنك تيجي البرنامج، إنتي مين أصلًا؟، ده إنتي ليكي الشرف تدخلي معايا، ولا إنتي ولا غيرك ولا رئيس حزب النور نفسه، هتتنططي عليه؟ ليه يعني؟ أهي دي عينة منهم».