بالفيديو.. القرموطي: «أزمة أمناء الشرطة عار.. ومش كل شيء نقول إخوان»

أعرب الإعلامي جابر القرموطي، اليوم الأحد، عن استيائه بسبب أزمة أمناء الشرطة بمحافظة الشرقية، قائلًا: «إحنا مش بنهزر دي دولة، المواجهات التي وقعت اليوم بين أفراد الشرطة وبعضهم البعض عار علينا جميعًا».
وأضاف القرموطي، خلال برنامجه «مانشيت»، عبر فضائية «أون تي في»، «لازم نعرف إيه اللي وصلنا لكده، إخوان وراهم ولا مش إخوان، وأنا مش ضد إنهم ياخدوا حقهم، لكن ضد الأسلوب ده، فلا يصح أبدًا منع مساعد وزير الداخلية من دخول مبنى المديرية».
وتابع: «أنا مش مقتنع بأن الإضراب ده بتحريض من الإخوان، وأرفض استخدام شماعة الإخوان؛ لتعليق أي خطأ عليها»، مستكملًا: «الأمناء بيقول للضباط: يا بتاع 50%، ويردون: يا بتاع الإعدادية.. هو مفيش إبتدائية ولا إيه.. ده تهريج والله العظيم».