بالفيديو.. «القرموطي» يأكل «بيض وخيار» على الهواء قبل شم النسيم

أكل الإعلامي جابر القرموطي «بيض وخيار ولفت وزيتون»، على الهواء مباشرة، خلال حلقة برنامجه «مانشيت»، مساء الخميس.
وقال «القرموطي» في حلقة برنامجه «مانشيت»، مساء الخميس: «وإحنا خلاص بنعمل نهاية الشغل بتاعنا قبل الهوا لقيت أستاذتنا في المطبخ ريهام الديدي عملت البتاع الصغير ده، بعدين أنا كنت فاكره لعبة، كنت فاكر إنها بتهزر كده وبتخم القناة وبتقول إن أنا جايبة بيض وهو مش بيض، وهي طالعة كده مقابلاني، قالت لي لأ ده بيض بجد، قولتلها والله؟ قالت لي آه وبيسموه في أمريكا Icing sugar»، فيما كرر الكلمة أكثر من مرة موجهًا سؤاله للإعداد: «صح كدة؟ أصل أنا آخر الإنجليزي بتاعي I love you، Father، Mother، Daughter، حاجات كده يعني».
وتابع «القرموطي»: «فقلتلها يقعد معانا لحد يوم الاثنين، عشان عندنا حلقة يوم الاثنين، أو يعني 10 دقائق كده يوم الاثنين، من أجل الشغل بتاع شم النسيم وكده، هنعمل حاجة كده لطيفة مع الشباب هنا، فقالت لي لا صعب يقعد يعني».
واستطرد: «رغم بساطة الأمر، لكن فيه شيء من الرقي يعني، آه يعني تحس كده إن أنت قاعد قدام بوكيه ورد. هو صحيح ريحته بيض، لكن فيه شغل معمول، وإنت حضرتك كده قاعد والناس قاعدة قدامك كده في يوم شم النسيم، وتجيب ده تحطوا كده على الترابيزة مفيش مانع خالص».
وأكل «القرموطي» من البيض الملون قائلًا: «آه والله ده بيض بجد، ريهام عاملة بيض بجد، والنبي ابقوا حاسبوها على ثمن البيض ده يا شباب»، فيما تابع الأكل من الطعام أمامه: «وده زيتون، تحفة الزيتون ده..آه والله.. وده يا ريس إيه ده؟ بنجر؟ لفت؟ وده خيار، مش كده، وده فلفل؟ وده جرجير صعب شوية، في خيار؟ خيار من تحت أيوة».