الأهلي نيوز : سر الشوارع في دفاع الأهلي في لقاء دجلة .. ودور هام لفايلر

الأهلي نيوز : الاهلي يفوز علي وادي دجلة بثلاثية و بيستمر في الاداء الجيد رغم كوارث الدفاع ، الحقيقة ان #الاهلي ظهر لديه شوارع في الدفاع ! و دي النتيجة المتوقعه للعب بدفاع متقدم بدون اي لاعب ارتكاز صريح رقم 6 و ده اللي استغله تاكيس و لعب عليه ، دجلة في اول ربع ساعه كان بيعتمد انه يطلع بالكرة بشكل مميز جدا رغم ضغط الاهلي الشرس (اللي كان بينجح فيه لاعبي دجلة انهم يخلصوا منه)و ده اظهر مساحات كبيرة في نص الملعب كانت دايماً بتكون في مصلحة دجلة لانه تخلص من ضغط 5 لاعيبة من الاهلي و بالتالي مش بيقابله حد في نص الملعب غير السولية !
الأهلي نيوز: عدم وجود لاعب أرتكاز يفتح خطوط الأهلي
الأهلي نيوز : و لذلك فايلر بعد اول ربع ساعه بدأ يأخر الضغط لنص الملعب لدجلة ، لكن الشوارع في دفاع الاهلي موجودة ! لكن قلت بعض الشئ بنزول ديانج ، لان ببساطة لما بتلعب بدفاع عالي بتحتاج 1- دفاع سريع و ده مش متوفر في الاهلي ، و بتحتاج 2- لاعب ارتكاز يكمل الضغط اللي بيعمله خط الهجوم و ده مش بيعمله السولية بشكل جيد ، و بالتالي المساحات بتظهر و بتضرب بسهولة عكس اللي حصل مع نزول ديانج اللي عالج النقطة رقم 2 “بعض الشئ” لكن هتظل النقطة رقم 1 هي الاسااااس !
الأهلي نيوز: كل ماتش عن التاني الكثافة العددية للاهلي في منطقة جزاء الخصم و ده لم يحدث في الشوط الاول حصل الشوط التاني و لذلك الاهلي سجل ، دجلة فريق محترم جدا و اميز ما فيه انه بيلعب كورة من رجل لرجل مفيش تشتيت اطلاقا ، طبيعي ان يحصل منهم اخطاء بالذات انهم شباب لسه معظمه صغير ، لكن الكرة اجوان و اهداف مش اداء بس ! دجلة حتى الان لعب 7 ماتشات (خسر 4، اتعادل 3 )
اداء جيد النهارده امام الاهلي و لعب مباراة مفتوحة بشكل رائع لكن في النهاية خسرت بثلاثية !