الأهلي نيوز : بإتمام التعاقد مع إليو ديانج و محمود متولي و قفشة أصبح الأهلي بيمتلك تنوع كبير في اسكواد الفريق و هيبقى عنده حلول كتير على الدكة تقدر تعوض الغيابات أو حتى تقدر تغير بيها طريقة اللعب لان الأهلي حاليًا بيمتلك أكثر من لاعب في كل مركز و أكثر من لاعب يقدر يلعب في أكتر من مركز و يمكن دي نقطة تفوق اسكواد الاهلي على اسكواد الزمالك. الأهلي نيوز : مميزات متولي مناسبة جدا لفريق زي الأهلي، لو هتلعب دفاع متقدم هيفيدك بسرعته، لو عايز تبني الهجمة من اول خط الدفاع هيفيدك جدًا، ده غير مميزاته كمدافع في قوة الالتحامات و الثائيات و ما إلى ذلك ، يمكن عيب متولي الواضح و اللي محتاج يشتغل عليه انه احيانًا كتير بيسرح مع الكورة و ينسى مركزه و المساحة اللي وراه ، متولي كمان من ضمن اللاعيبة اللي قولنا عنها تقدر تلعب في أكتر من مركز، متولي يقدر يلعب قلب دفاع و هو المركز الأقرب للمشاركة فيه مع الأهلي و يقدر يلعب لاعب ارتكاز ثابت و يقدر يلعب لاعب ارتكاز مساند. الأهلي نيوز : مميزات صفقة قفشة وديانج ومتولي الأهلي نيوز :#محمد_مجدي_قفشة قفشة مع إنبي في الفترة اللي تولاها إيهاب جلال لعب صانع ألعاب كلاسيكي أحيانًا و لعب ارتكاز مساند في أحيان أخرى بجوار حمدي فتحي لاعب الأهلي الحالي، نفس الأمر اتكرر في بيراميدز و بدأ قفشة الموسم السابق مع بيراميدز صانع ألعاب كلاسيكي لكن بعد قدوم عبدالله السعيد تحول قفشة للاعب ارتكاز مساند مرة تانية بجوار دونجا و أحيانًا كان هو و السعيد بيلعبوا 8 في طريقة 4-3-3 و وراهم دونجا ارتكاز ثابت وحيد رقم 6، إذًا قفشة أيضًا من ضمن اللاعيبة اللي تقدر تلعب في أكتر من مركز و بأكتر من طريقة. الأهلي نيوز : ده بخصوص المراكز اما بالنسبة لكواليتي قفشة نفسه فهو كواليتي جيد جدا.. لاعب بيمتاز بالذكاء التكتيكي في الملعب من خلال التحرك في المساحات و خلق مساحات لنفسه و بيمتاز بالرؤية العالية للملعب و بيمتاز بالتسديد الجيد سواء من كور متحركة أو ثابتة. الأهلي نيوز : بتواجد إليو ديانج و حمدي فتحي و عمرو السولية و كريم نيدفيد و محمد محمود و قفشة و صالح جمعة أصبح الأهلي بيمتلك نص ملعب لم يمتلكه من سنين.. اتعودنا اخر كام سنة على ثنائية عاشور و غالي ثم عاشور و السورية و لما كان بيغيب حد فيهم كان الأهلي بيعاني عشان يلاقيلهم بديل لكن حاليا عندك أكتر من بديل و الأهم ان كل واحد فيهم ستايل مختلف عن التاني تقدر تشكلهم زي ما انت ع
