الأهلي نيوز : سر سوء أداء الأهلي وعلامة إستفهام علي لاسارتي .. وخليفة بركات يظهر

الأهلي نيوز : فوز بشق الأنفس للأهلي و للاسارتي و خسارة غير مستحقة لطارق العشري و حرس الحدود فنيًا ،عادة طارق العشري في ماتشات الأهلي و الزمالك ، ضغط عالي جدًا و حاد جدًا في كل مكان في الملعب ويجبر الأهلي يلعب الكرة العالية ،غرضه إنه يحول الماتش لصراع هوائي بدني و يحرم الأهلي من الإستحواذ و نقل الكرة و يحاول يستغل أي فرصة تتاح لدرجة إنه بيلعب رمية التماس كأنها ضربة ركنية في محاولة لإستغلال أي فرصة و هو ما نجح فيه بنسبة أكتر من 95% .
الأهلي نيوز : علمات أستفهام علي تغييرات لاسارتي أمام الحدود
الأهلي نيوز : على الجانب الآخر الأهلي إستسلم تمامًا للضعط و أتجر للي طارق العشري عايزه و الماتش أصبح صراع هوائي و كمان الأهليض خسر أغلب الالتحامات الثنائية و هنا علامة الإستفهام على تغييرات لاسارتي.
الأهلي نيوز : أول تغيير جيد لأن فكرة إن عاشور مع حمدي فتحي في 4-2-3-1 اللي لعب بيها الأهلي النهاردة فكرة بائسة جدا الأتنين ستايل واحد تقريبًا و إشراكهم في ثنائية واحدة عزل نص ملعب الأهلي عن هجومه خصوصًا إن اللاعب رقم 10 في الطريقة اللي هو ناصر ماهر مقتنع إنه لسا بيلعب خماسي كما أن عاشور قدم 45 دقيقة كارثية، بالتالي خروج عاشور و نزول نيدفيد و رجوع حمدي فتحي لمركزه كان تغيير وجيه .
الأهلي نيوز : لكن علامة الاستفهام على التغييرين التاني و التالت.. ايه اللي متوقع يحصل يعني لما تخرج مهاجم و تنزل مهاجم و تخرج وينج يمين و تنزل وينج يمين ؟ المشكلة لم تكن في الأفراد ، كانت في أن الفريق فشل في التدرج بالكرة من الخلق ،الأفضل في ظل سوء الفريق ككل أن يتم تهدئة الريتم و تستحوذ و تقتل الماتش اكلنيكيًا مش انك تعمل هجمة سريعة خصوصًا في ظل الحالة الفردية المريبة اللي كان عليها لاعيبة الأهلي.
الأهلي نيوز : علي معلول يكرر ذكاء بركات
الأهلي نيوز : علي معلول أذكى لاعب دخل الأهلي في الألفية الجديدة من بعد إعتزال بركات اللي هو أذكى لاعيب في تاريخ مصر.. بركات كان في اسوأ حالاته يضمنلك إنه يقدم 6/10 من مستواه و ده بالظبط اللي بيعمله علي حتى لو لعب ماتش مش كبير