الأهلي اليوم : كيف ينجح فايلر في الفوز علي النجم تحت قيادة جاريدو

الأهلي اليوم : كيف يواجه فايلر النجم الساحلي تحت قيادة الإسباني جاريدو ؟ أي ماتش بيدخله أي مدرب بيبقى أمامه 3 اختيارات.. يلعب بدفاع متأخر و يأخر خطوطه و يستقبل اللعب تفاديًا للمساحات خلف خط دفاعه و أعتقد ده هيكون اسوأ الخيارات قدام فايلر لأن لو سيبت جاريدو يلعب براحته في نص الملعب هيعرف يلاقي ثغرات في دفاعك.. الخيار التاني إن فايلر يختار إنه يلعب بنفس طريقته في الدوري و يطلع بفريقه كله يعمل ضغط عالي و يلعب بخط دفاع متقدم و يحاول يمنع جاريدو من تحضير الهجمة من بدايتها أصلًا.
الأهلي اليوم : اللجوء للدفاع خطر علي الأهلي
الأهلي اليوم : اما الخيار التالت و اللي انا شخصيًا بفضله هو الخيار اللي اختاره فايلر في مواجهة الزمالك في السوبر.. فايلر في السوبر عمل “ميد بلوك” برسم تكتيكي أقرب ل4-4-2 في حالة الدفاع.. يعني يسيب النجم يحضر براحته في مناطقه لكن من أول خط نص الملعب يضغط ضغط شرس على حامل الكورة.
الأهلي اليوم : ليه ده خياري المفضل؟ لان جاريدو دايمًا شغله الشاغل هو اختراق مساحة “بين الخطوط” زي ما قلت اللي المساحة اللي بين خط الدفاع و خط الوسط و اللي من خلالها بيقدر يوصل للجول.. لما تقابله بضغط في نص الملعب و فريقك خطوطه متقاربة و بتلعب في 25-30 كتر هتقفله المنطقة دي بالضبة والمفتاح و هيبقى استحواذه استحواذ سلبي و بمجرد ما هتقطع الكورة هتقدر تتحول هجوميًا بسرعة عن طريقة قفشة و رمضان والشحات.
الأهلي اليوم : لازم لازم تعليمات لقلبين دفاع الأهلي انهم مينزلوش مع كريم العريبي لنص الملعب و يسيبوه ينزل لنص الملعب واللي يقابله لاعيب من خط النص عشان ميتخلقش مساحة مكان المدافع اللي هينزل معاه زي ما جاريدو دايمًا بيعمل.
الأهلي اليوم : عاشور غير مناسب للقاء النجم
الأهلي اليوم : الأهلي هيحتاج لاعيب ديستروير في نص الملعب، حسام عاشور ميقدرش على الدور ده دلوقتي و ثنائية السولية و قفشة لو كانت تنفع لماتشات الدوري فهي متنفعش لماتشات افريقيا خصوصا لو برة أرضك.. ديانج وجوده ضروري في تشكيل الاهلي و لو مفيش قناعة بديانج “و دي هتبقى حاجة غريبة” أعتقد مشاركة فتحي في نص الملعب هتبقى الحل الوحيد لكن في نفس الوقت الأهلي محتاج فتحي في الجبهة اليمين و عشان كدة ديانج هو الحل الأمثل.
الأهلي اليوم : أخيرًا.. ده أول ماتش في دور المجموعات، يعني لسا فاضل 5 ماتشات و ده يعتبر أصعب ماتش في ال6 ماتشات و هو أول ماتش لفايلر في أفريقيا.. يعني أي نتيجة سلبية مش نهاية العالم ولازم الأهلي يتجاوزها بسرعة ويتعلم منها فايلر