ما أشبه صفقات اليوم بصفقات الأمس

و أنا أقلب بين أوراقي القديمه وجدت مقاله كنت قد كتبتها في مدونتي التي كنت أكتب فيها باللهجه العاميه قبل الثوره وتحديداً عام 2007 وكانت عن انتخابات مجلس الشوري في هذا العام تحت عنوان " الحكومه والجماعه المحظوره في انتخابات الشوري " فوجدت أنني قد كتبت وقتها عن الصفقات التي يعقدها الاخوان مع الحكومه آن ذاك للحصول علي مقاعد وايضا الاعتقالات التي كانت تتم في صفوف الاخوان لتحجيمهم لعدم الخروج عن بنود الصفقه والالتزام بعدد المقاعد المتفق عليها كما فعلوا تماما في انتخابات الشعب 2005 وأنني دون أن أتذكر مقالتي عام 2007 فقد كتبت أيضاً بعد الثوره مقاله عن الصفقه بين الأخوان والمجلس العسكري وتبعاتها في وقت حكم المجلس العسكري وها أنا ذا أعيد عليكم ما كتبته في المدونه عام 2007 لندرك أن الأخوان لا يستطيعوا العيش دون صفقات للحصول علي أكبر قدر ممكن من المكاسب.
الحكومه والجماعه المحظوره في إنتخابات الشوري
يا ناااااااس أنا هتكلم بهدوء خالص وبكل موضوعيه عشان نفهم لعبه حوريني يا كيكا بين الأخوان المسلمين وبين الحكومه وفاكرين إن الناس مش فاهمه حاجه ولا فاهمه الصفقات البتحصل بينهم , وأنتو فاكرين طبعاً أشهر صفقه بين الحكومه والأخوان بتاعت انتخابات الرياسه لما الأخوان صوتوا للريس في سبيل السماح للأخوان إنهم ينزلوا إنتخابات الشعب.
يا عااااالم الحكومه بأه لقت إن الموضوع إطور وهيخرج من إديها ولقت إن العمليه وسعت ولقت إن الإخوان هياكلوا الجو. والأكد ده كمان إن أغلب مرشحين الحزب الوطني نفسهم في إنتخابات مجلس الشعب الأخيره تحالفوا تحالفات سريه مع مرشحين الاخوان , يعني العايز يعدي من الوطني يتحالف مع الاخوان , نفس الكلام بيتكرر في الشوري النزلوها الاخوان غصبن عن عنين الحكومه بس يعني قللهم بلاش حكايه الاسلام هو الحل , ماهي الحكومه هتعمل ايه؟؟ غصب يا رب.
يا هوووووه بلاش بأه تأرفونا كل شويه بحكايه المعتقلات دي , معتقل هنا ومعتقل هناك. العمليه واضحه يعني , وبعدين الناس معندهاش اعتراض علي شعار الاسلام هو الحل الناس بس خايفه من قول الشاعر:
دعوت علي عمرو فمات فسرني...وعاشرت أقوام بعد عمرو فبكيت عليه
Tamerfoad_2011@yahoo.com