دعا جروب "الوقفة الاحتجاجية الصامتة لأهالي أسيوط الكرام" على الموقع الاجتماعي "الفيس بوك"، المصريين جميعا للنزول يوم الجمعة القادم الموافق 25 يونيه للوقوف صامتين على كورنيش النيل. وبالنسبة للمحافظات التي لا تطل على كورنيش النيل جاءت الدعوة للتجمع في الحدائق العامة، وارتداء ملابس سوداء احتجاجا على مقتل الشاب السكندري خالد سعيد على أيدي مخبرين قسم سيدي جابر. كان اللافت في الدعوة هي تلك الفقرة التي تضمنت عدم حمل لافتات أو منشورات، حيث كتبوا: "ممنوع منعا باتا إنك تجيب معاك أي منشورات أو أوراق أو يفط، مش عايزين نعرض أي حد للخطر أو تطبيق قانون الطوارئ عليه، واللبس يكون أسود، وبلاش أي حد يلبس تي شيرت عليه صورة خالد أو شعارات ضد الحكومة". كما أن أعداد الأشخاص لم تكن من ضمن اهتمامات مؤسسي الجروب والداعين للوقفة، حيث كتبوا: "عدد الحضور: مش مهم.. المهم إني نازل ولابس أسود وزعلان وحزين، ولو رحت مكان ولقيته فاضي أقعد برضه.. أقوى صور المرة اللي فاتت كانت شباب راح وقعد على البحر زعلان وصور نفسه.. المهم مش اللي شايفينك وانت قاعد.. إحنا رسالتنا هتوصل قوية جدا المرة دي للإعلام خاصة إنهم شافوا الوقفة اللي فاتت". بالإضافة إلى تجنب الشجار أو الاشتباك مع قوات الأمن حفاظا على حياة الجميع وعدم إجبار الأمن على إحباط وقفتهم، حيث دعوا المشاركين بالتحدث بأدب وبدون عصبية، وإخبارهم أن الجمعة هو يوم الإجازة الذي ينزل فيه الجميع للتمتع بمنظر الغروب. وأخيرا أنهى الجروب الدعوة بنصيحتين، هما: "متسمعش كلام أي حد بيقول لك إنه من اللي بينظموا الوقفة.. مفيش أي منظمين للوقفة دي.. ومتتكلمش مع أي حد حتى لو لابس أسود زيك"، والنصيحة الثانية "مهم جدا.. لو إنت واقف في حتة وابتدى مجموعة شباب لابسين أسود يخالفوا أي من القوانين اللي فوق دي يا ريت تسيب المكان بسرعة وتختار مكان تاني".
