بالفيديو.. القبض على «القرموطي» أثناء بيعه ل«الدولار»

تقمص الإعلامي جابر القرموطي، دور أحد المضاربين بالدولار بالسوق السوداء، بعد تصميمه لمحاكاة طريفة وهو يبيع الدولار لشخصين طلبا منه السجل التجاري والبطاقة الضريبية قبل أن يتيبين في النهاية أنهما ضابطي شرطة.
وقال في برنامج «مانشيت القرموطي»، المذاع على فضائية «العاصمة الجديدة»، مساء الأربعاء: «الحصيلة اللي جمعناها النهارده مش قليلة، وأنا هكمل البيع لأن معايا 1200 دولار، ولو حد عايز يشتري دولارات ييجي ونتوكل على الله».
وحضر شخصين وتوجها ناحية «القرموطي»، ليقول أحدهم: «عايزين 1000 دولار، بس مش انت المفروض متبيعش بالأسعار دي»، ليجيبه: «لا يا فندم ده البنك المركزي كل سنة وانت طيب، احنا شركة صرافة، في ناس بتبيع ب14 وفي ناس بتبيع ب14 ونص».
وأضاف الشخص الذي تقمص في البداية دور شخص يشتري الدولار موجهًا حديثه ل«القرموطي»: «هات بطاقتك كده، وهات الفلوس دي، وطلعلي السجل التجاري والبطاقة الضريبية ومتتكلمش كتير، بتبيع ب14 ونصف انت بقى، تعالى يابني حرزلي الفلوس دي».
وتابع المتقمص لدور ضابط الشرطة: «اتفضل معانا»، ليرد «القرموطي»، أثناء دوي أصوات سيارات الشرطة، مازحًا: «هو الواد ده بوليس بجد ولا إيه؟».
كان الدكتور علاء عز، أمين عام اتحاد الغرف التجارية، قد أكد أمس الثلاثاء، أن الاتحاد دشن مبادرة لوقف التعامل بالدولار لمدة أسبوعين، وترشيد استيراد السلع الاستهلاكية المعمرة لمدة 3 شهور، واقتصاره على السلع الأساسية، ومستلزمات الإنتاج.