أنت ايه مش انسان

هما دول الاخوان
انت ايه مش انسان
اللي في صدرك دا حيوان
حتي القلب اعمي كمان
ليه تعيش في الأوهام
دافن راسك في الظلام
فتح عينك
صحي ضميرك
صحح عقلك
دم المسلم دا حرام
عليه ليه تحكم بالإعدام
كنت قاضي ولا محام
تقتل……وتدبح
ولسه برده قادر تنام
عامله علي صدرك وسام
وعمال تصدر في الأحكام
بدال ماتوصل الأرحام
ياللي ابتدعتوا الشر
والشر داء فيكم
وكل اللي تعرفوه
سلاح مالي اياديكم
تقتلوا في العباد
الله يجازيكم
هوه الدين قال كده
بالذمه دلوني
ليه يهون الدم عليك
ازاي صار الشر فيك
وليه تبقي في الشر شريك
قادر ربنا يفنيك
ياللي اخترعتوا السلاح
قدره المولي فوق اياديك
دا احنا كلنا مصريين
ولا فاكر انت مين
طول عمرنا عايشين
قبل الارهاب اللعين
فرق قلوبنا وصبحنا
كلنا تايهين
بندور علي اسم لينا
هوه احنا صحيح مصريين
ازاي صارالوصل ثقيم
ارجع يا اخي للدين
الحساب مش من البني ادمين
يحاسبنا رب العالمين
دع الخلق ….للخالق
تحكم انت ليه دا فاسد ودا لعين
هوه انت قاضي
ولا مفوض من رب العالمين
اصحي وفوق
اعرف ان وطنك امانه
وكل خطوه محسوبه عليك
لبي لما وطنك يناديك
دا كل واحد له اجل
مهما حيكون المصير
ولا في الشر شاطرين
تتجمعوا ملايين ملايين
هوه القتل وصيه مين
بالذمه قال كده الدين
اما صحيح انكم اخطر
من الشياطين
هانحاربكم ليوم الدين
حتي ينتهي الارهاب اللعين
روحوا منكم لله قادر عليم
يخلص منكم ياغدارين
حسبي الله ونعمه الوكيل