حبيبى عاشق

حبيبى أقسى م الأيام
طلب منى أكون جنبه
وأنا ديماً البى وأكون
ولا يكون له عليه مالام
شرد منى كالعاده
كأنى ما ليه عنده كلام
كسر قلبى وروحى معاه
رحل عنى ما قال لى سلام
وبعد ما قال أنا الراجل
وانا السيد فى كل مكان
عاوزنى أكون أسير قلبه
وهو يكون عليهِ سجان
وأنا طبعا لا عمرى هأكون
ولا هاقبل يكون سجان
حبيبى ياناس ده طير جارح
ده خيل جامح
تعبنى معاه
طاير ديماً ومش راسى
ولا راضى يكون لِيه
ولا راضى يكون له مكان
ويرجع له فى أى زمان
يلاقينى هناك ساكنه
ومالينى شقا وحرمان
ومدا إيدى أرحب بُه
ومستنيه شوق وحنان
ومالي قلبى كل الود
وهو برده مش إنسان
رفض ديماً يكون لى أمان
وعاش قاسى كما الأيام
طلب قلبى يكون له أسير
وانا قلبى ملوش سجان