ابن من ولادك يامصر

ليه يا بلد بتقسى على ولادك
نص اللى فيكى طفش من بطش جلادك
مش هما دوله يا بلد اللى حموكى زمان
انا اللى كنتى احميكى وصبحت فيكى مهان
نص اللى حكمك خانك والنص التانى جبان
ليه وعشان ايه تعملى كده فيا
انا اللى واخدك كحله مروسمه فى عنيا
انا اللى عاملك غطى وبشمسك ادفه
وخليت الكون بحاله فى كفه وانتى هنا بكفه
وانا اللى دم سال من اول الضفه
بتردى الجميل ليا بالجزمه والتفه
شارب مرارك يا بلد وبرده بتحمل
غير طفش منك سابك وراح همل
مقدرش يوم فى عزابك يصبر وليه كمل
مقدرش على ظلمك والفقر يتحمل
بزياده طفح الكيل والحمل جاب اخره
انا اللى شلتك شيل لما المغول دخلو
انا اللى كنت الجيش وانا رفعت العلم
مش لاقى فيكى العيش منعوه بجره قلم
عايش فيكى مفيش وانا وكتير اتظلم
كفحت على شانك
وسجنى سجانك
ولا مره شفتينى ودفعتى فى مكانك
سديتى ودانك وغمضتى عنيكى
وانا اللى صوتى اتنبح من لهفتى عليكى
ولا سمعتينى وبصيتى حوليكى
ادينى ريق حلو لو مره من عندك
واسمعى كلامى وبلاش يذيد عندك
انا اللى حبيتك وبقيت اسير عندك
شارب مرارك يا بلد وعليك صابر
لما بقى اسمى اسمى العبيط صابر
وجاتنى كل العلل وبرده بكابر
محسيتى مره بحالى وجبرتى لى خاطر
وده مش همى وحدى د هم كل عيالك
يوم ما قلت اه مليون شهيد جالك
ليه بتقسى على وعليهم وعلى حالك
منا برده مش قادر احبك ولا فبالك
مالك بتقسى على مين سلطك مالك
غنيت غناوكى وحفظت اناشيدك
وقلت ماويلك وشربت من نيلك
وعشت من خيرك وكل عنقيدك
دولقتى انا غرقان ما تمدى لى ايدك
مليون سؤال مش لاقى ليهم جواب واحد
ليه تظلمى فيا وتحكمى الجاحد
بتاخدى من قوتى وبتعطى للفاسد
لا مره اعترضت ولا قلت ده غلط
وكل اللى فيكى عبط
ماشى مع المشيين
قاعد اقول فى امين
لا قلت عايز عماره
ولا حتى فدان طين
بهيمه وليها متبنين
وبرده مش عاجب
وعملتى بينى وبينك ستوميت حاجب
وكل ما اترجا فيكى تردى الرجا خايب
من صغرى اترجا فيكى دلوقتى انا شايب
انا لسه ماسك فيكى بكره هكون سايب
انتى خلاص بقيتى مش لينا
تضحكى للغريب وتتقلبى علينا
ومسلطه كلابك يعزبوا فينا
انا اللى شفت فيكى العجب
كل العمار فيكى اتخرب
ولما قلت ده حرام مسمعت غير قلة ادب
حتى الميزان فيكى اتقلب
وعيزانى تانى اقول امين
طب له مش قايل
وههملك وامشى وليكى مش شايل
اللى محرساهم علينا بيعملونا باهانه
ويقلولنا قال كيف انتى متحملنا
وكاننا عيش وماليناش عازه
وكانك بقيتى لينا مش محتاجه
وبقينا فيكى يا بلد ما بنسويش حاجه

جواكى وبراكى وخدين بجزمه
وكاننا جربه عشين بدون لزمه
هو احنا مش عيالك وبرده مخلفانه
سيباهم ليه يعمولنا باهانه
لما توقعى مين هيشيلك
مين هيضحى بدمه ومين هيجيلك
مين هيزرع ارضك ويروى من نيلك
ومين لو مشينا هيقول مواوييلك
انا خلاص هاهملك وامشى
ولو مشيت ليكى مهرجعشى
ولو نديتى بردو مهسمعشى
ههملك وامشى واروح لاى مكان
اشفلى بلد تانى القى فيه امان
احس انى بشر مش انى حيوان
والقى عشا عيالى مش ابات جعان
وشوفى مين هيحبك ومين هيتمنى قربك
ومين هيسهر فى ليلك ومين هيتمنى ودك