بحبك يا بلادى

كان نفسي يوم ميلادى
أقولك بحبك يا بلادى
بس أقولك بحبك ليه
ما أنتى شايفانا
متبهدلين
ومتعذبين
وقلبك هان عليه
طب أقولك بحبك ليه
إللى كان محتلك فضلتيه عنى
وبقي ليه فيكي نصيب
والعدو اللى يا ما حاربك
بقي ليكي النهاردة حبيب
طب هو أنتى نسيتي ولادك
اللى ماتو وهما بيدافعو عنك
ولا هما مش حتة منك
كان نفسي فى عيد ميلادى
أقولك بحبك يا بلادى
وعشان يزيد حزنى يوم ميلادى
يجي مع الإنتخابات
أخوايا راح ينتخب بعدها
قالولى مات
عشان مرديش يبيع صوته
كان جزاته موته
طب هى ليه اسمها إنتخابات
مش عشان أنا إللى أختار
بس تقول أيه أصل إحنا مبنتعلمش من إللى فات
ما اللى عايزينه ينجح هو إللى هينجح
بس أخويا كان نفسه يفرح ومرة يفلح
وعشان مستقبل أولاده
كان نفسه يغير فى بلاده
كان نفسي يوم ميلادى
أقولك بحبك يا بلادى