نظرة المرأة العربية للراجل ..!

-فى واحدة شايفه الراجل مجرد محفظة يطلع منها اى شئ يسعدها هى وأولادها بدون ما تفكر هوا بيجيب منين ؟؟؟ !!.
-وواحده شايفه الراجل إنسان فول أوبشن ..صايع ومؤدب مع بعض !! دمه خفيف رومانسى وجد فى نفس الوقت..يستحملها لو غارت عليه ..مايغرش عليها ..بس يغيير لما تطلب !

يقدر يتقدم ويكون جاهز بكل طلبات الزواج ..وأهم حاجه تكون بتحبه وبيحبها..
يستحمل أمها وتفضل تشتكي له من أمه ..لو ماقدرش يتجوزها لظروفه الصعبة فجأة بتطلعه ازبل وأحقر إنسان ..وتفضل تدعى عليه لما يتخرب بيته أكثر ما هو مخروب .. أهم حاجه يكون واد حبيب ويعرف ياكل دماغها ويكون لافف ومايكونش برضه بيعرف بنات غيرها !!!

جسمه قوى وعضلات عشان يحميها وخشن وشهم ..ويستحملها لما تشتمه والا تعلى صوتها عليه !!!
-وواحدة تانية شايفه الراجل وسيلة لاسعادها وقت بس ماتحتاجه ..ودى غالبا مابتجوزش ..ومعتمده على نفسها فى كل شئ ..
-عندك واحدة ثالثة شايفة الراجل مكنة انتاج أطفال ..عندها فلوس وشغل ومرتاحه ومشاعرها جامده محتاجه بس حد يخليها أم ..بتخلف وتفضل تطفشه استحمل هاييبقى حظه حلو انه هايعيش مع ولاده .ماستحملش يستعوض ربنا ..!!
-لكن الانثى اللى بجد بقى واللى عندنا منها لكن بنسب قليله ……..
..هى اللى لما تحبه تحبه على عيبه ..(-لو صايع… طبيعى بيعرف غيرها كثيير ..هى تحاول تخليه ليها لوحدها بمدى حسن معاملتها ليه مش بالخناق ..)
(ولو كان مابيعرفش غيرها ..يبقى تستحملإانه ساذج وعلى نياته وممكن صحابها يستقلو بيه ..وهى اللى تكبرو وتكون عارفه قيمته وتحبه على سجيته ..)
(لو محترم ومتدين ..تستحمل خوفه عليها فى اللبس او معاملتها مع الناس وخنقته ليها فى نزولها الشارع كثير فى مقابل انها معاها واحد يراعى ربنا فيها ومايخليهاش تغضب ربنا ..)
(لو فقير وعلى فد حاله تعيش على قده وقبل ماتخليه يحبها تشوف أهلها هايرضو بيه والا لأ ؟؟؟ ولما يطلبها اهلها مايقولوش احنا طلباتنا ايه ؟ يقولوله انت تقدر تعمل ايه ؟؟ فى مقابل إنسان هايفضل يحبها ويحترمها ويشلها فوق راسه انها وقفت جمبه لو كان فعلا محترم )
(ولو كان غنى تتحمل انشغاله عنها بسبب كثر مشاريعه وتتحمل كثر البنات الى حوليه وسفره المستمر وحياته الملخبطه وتثبتله انها احسن من اى واحده لانها بتحبه لشخصه عكس كل الى بيجرو وراه عشان كثر فلوسه )
(لو كان اذكى منها تتحمل أسلوبه الازع فى النقد وارشاده ليها طول الوقت ونقده الدائم لتصرفاتها لأنه شايف انه لو مكانها هايتصرف بطريقه اذكى من كده فى اى موقف تتحط فيه ..وتتعلم منه وتحسسه انها واخداه مثل اعلى ..)
(ولو كان غبى برضو تيتحمله لأنه مش ذنبه إن ربنا فضلها عنه وتحاول تفهمه الصح بطريقه لطيفه ماتجرحوش ..وتمشى امورها فى بيتها بالطريقه الافضل وهى محسساه انه بيقود )
(لو كان قوى وعضلات وبتتحامى فيه ..تتحمل خنقاته فى الشارع الكثير الراجل جسمه مساعده ..ده غير انها لازم تتقى شره طول الوقت وتسمع كلامه grin رمز تعبيري )
(ولو كان جسمه على قده تحمد ربنا بدل مايرزعها كف يغير هيكل سنانها وماتحسسهوش انه ضعيف تحسسه إنه قوى وإنها ممكن تخاف منه )
من الاخر انتى مش هاتلاقى راجل كامل ..بره فى أوروبا اغلب الستات بتحب الراجل وتتجوزه لشخصه سواء غنى أو فقير منصب ولا عامل قوى ولا ضعيف ذكى ولا غبى ..جلنف ولا رومانسى ..بتحبه على عيبه وبتتحمله وبتحاول تغيره ..

ومعنى إنك حبتيه وهوا فيه العيوب دى يبقى مميزاته بتمثل اولويات عندك…smile رمز تعبيري
احنا المسلمات أو المسحيات العربيات مش لازم نقلدهم ..لكن لازم نكون احسن منهم