نفس المكان نفس الكافيه واحد لاتيه هنا لو سمحت وشوش الناس رتوش مرسومة لون باهت صدى مية صوت ضجيج عالي بصوت خافت زحام أفكار على كام قرار بتقنع نفسها بيهم وشد وجذب ومية لاءه ومليون آه ومليون كسر متكسر في مج لاتيه تلم الكسر وتكمل ولأي مدى راح تتحمل جروح الكسر وتغلب فكرة النسيان على روحها وتهمس همس ب يرجرج كراسي كل الموجودين موحشتنيش ولا لسه صورتك بتهل جوايا ولا جوه مني حنين ولا كل ليل بتزورني ولا بفضل اتكلم معاك للصبح ولا فوق جروحي بتيجي وتخطي ولا نوحي فالت من إيديه بوحي ولا حبي ليك ياحبيبي كان في يوم غلاب موحشتنيش موحشتنيش لكن والله أنا بكدب حقيقي بجد بتعذب وصعب يمر بيا اليوم بتوحشني وهتوحشني وهسيبه ازاي وأنا والله بتكلم صحيح وبجد يوماتي على الله بتخيل ملامحه وهو بيكشر عشان غيران ولمعة عينه لو يضحك عشان فرحان ونبرة صوته بالنسبالي شيء إدمان يشبه حبيبي لحلم ناقص وانتهى يشبه حاجات مش وقتها حكايات كتير بتعيشها جوه بعضها متلخفنة ومتعقدة وبتجرحك يشبه لقصة متكررة بطلها فارس زير نساء زهد النساء غض البصر عنهم فقط لاجل الصبية وتلف تشوف فين الجرسون وتطلب منه قهوتها تشوفك ضي في الفنجان برجفة إيد واحد بردان وفجأة بتترسم ضحكة بلون وخيوط نسيج وشه وبيعود الزمن لحظات ويصحى الورد ويفتح وريحته تملى تفاصيلها سيناريو معاد لأخر وقت كان قاعد معاها فيه تحس بخنقة من غيره سبع ألوان بيترسموا قوس قزح ناقصهم لون خيال طيفه ييجي الجرسون تقفل حسابها على المواجع وتحط كارت بحجز تاني لحد راجع حب نفسه في خنقته وهييجي يطلب قهوته في نفس المكان
