رحلتى ياما

أيها الأحباب قالوا عن الأم الكثير والكثير وكلنا قرأ ماقيل .
وسطر الشعراء وكتب عنهم الأبناء أجمل القصائد وأرقى المعانى التى يهتز لها الوجدان وتقشعر منها الأبدان .
أهدي هذه الكلمات الى امى الحبيبه والى كل ام .
======================
أهداء الى امى التى رحلت منذ ايام
رحلتى
رحلتى ياما
من غير وداع
وبرحيلك الحنان
كله ضاع
رحلتى ياما
بضحكتى وفرحتى
وسبتى القلب مليان اوجاع
رحلتى ياما
والحنان مش بيتباع
محتجلك ياما
تضمينى
وبحنانك تروينى
رحلتى ياما
ياحضن دافئ
يابلسم لكل الاوجاع
رحلتى ياما
ومين يمسح من عينى الدمع
رحلتى ياما
وأنطفت كل الشمع
رحلتى ياما
ورحيلك من غير رجوع
والفراق والله صعيب
عليك يااغل حبيب
رحلتى ياما
وفى يوم رحيلك ياما
قعدت تحت شجرة التوت
لأول مره اعرف معنى الموت
ونزلت من عينى الدموع
رحلتى ياما
والموت ليه انانى
ياخد بحر حنانى
وعرفت يعنى ايه الام تموت
حست بطعم المر فحلقى
ونزلت الدموع
وفى القلب حبك مطبوع
رحلتى ياما
وغربتى خدتنى بعيد
من غير ماسلم عليك بالايد
ومن بعيد لبعيد
اقول وداع وداع
علاء عبدالحق